Dubrovnik Universiteti

Dubrovnik Universiteti (xorv. Sveučilište u Dubrovniku, lat. Universitas Studiorum Ragusina) — Xorvatiyanın Dubrovnik şəhərində yerləşən ali təhsil müəssisəsi. Universitetin rektoru Vesna Vrtiprahdır.

Dubrovnik Universiteti
Sveučilište u Dubrovniku
42°38′32″ şm. e. 18°06′10″ ş. u.HGYO
Əsası qoyulub	1 oktyabr 2003
Tip	Dövlət
Rektor	Vesna Vrtiprah
Tələbə sayı	1,975 (2010/11)[1]
Şəhər	Dubrovnik şəhəri
Ölkə	Xorvatiya[2]
Sayt	unidu.hr
Vikianbarda əlaqəli mediafayllar

Tarixi

Universitetin binası

Xorvatiyanın ən gənc universiteti olan Dubrovnik Universitetinin əsası 2003-cü ildə qoyulmuşdur. Belə ki, həmin ilin 1 oktyabr tarixində Xorvatiya Təhsil və Texnologiya Nazirliyinin təklifi ilə Xorvatiya Respublikasının Hökuməti yekdil qərarına əsasən Dubrovnik Universitetinin yaradılması ilə bağlı Akt qəbul edildi. Beləliklə Dubrovnik Universiteti hüquqi status əldə edir və bundan sonra 16 noyabr 2003-cü il tarixində Dubrovnik Ticarət Məhkəməsinin Qeydiyyatına daxil edilmişdir.

Tədris

Bütün Xorvatiya universitetlərində olduğu kimi bu ali məktəb də 2005/2006 tədris ilindən etibarən Bolonya prosesinə qoşulmuşdur.

Departamentləri

Universitetin 7 departamenti var:

• Balıqçılıq Departamenti
• Elektrik Mühəndisliyi və İnformasiya Texnologiyaları Departamenti
• İqtisadiyyat və Biznes Departamenti
• Mühəndislik Departamenti
• Dəniz Departamenti^[3]
• Kütləvi Kommunikasiya Departamenti
• İncəsənət və Bərpa Departamenti

Kitabxanası

Universitetin zəngin kitabxana fondu var. Əsas kitabxanaları bunlardır^[4]:

• Texniki və Bio-texniki Elmlər Kitabxanası
• Sosial Elmlər Kitabxanası
• Turizm Sənədləri və İnformasiya Mərkəzi

Kontingent

2010/2011 tədris ilində universitetdə 1,975 tələbə təhsil almışdır^[1]; müəllimlərin, peşə və elmi fəaliyyətdə məşğul olanların sayı isə 151 nəfər idi^[5].

Rəhbərlik

Universitetə rəhbərliyi rektor edir. İndiyə kimi cəmi iki rektoru olub:

• Mateo Milkoviç (2003-2012)
• Vesna Vrtiprah (2012-ci ildən bəri)

Xarici əlaqələri

Universitet fəaliyyəti dövründə bir çox universitetlərlə əməkdaşlıq etmişdir.

Universitet beynəlxalq fəaliyyəti dəstəkləməkdə və gündəlik fəaliyyətində bunu təşviq etməkdədir^[6]. Universitetin strateji inkişafında beynəlxalq əməkdaşlıq, xüsusilə də EHEA (Avropa Ali Təhsil Sahəsi) və ERA (Avropa Araşdırma Sahəsi) ilə əməkdaşlıq böyük əhəmiyyətə malikdir^[6].

Həmçinin bax

İstinadlar

1. "Broj studenata na javnim sveučilištima". azvo.hr (Croatian). Agency for Science and Higher Education Croatia. 2022-05-06 tarixində arxivləşdirilib. İstifadə tarixi: 2014-08-13.
2. Directory of Open Access Journals. 2003.
3. Maritime & Yacht Programs Arxivləşdirilib 2013-06-03 at the Wayback Machine. edumaritime.com  (ing.)
4. Libraries Arxivləşdirilib 2017-02-23 at the Wayback Machine. unidu.hr
5. "O sveučilištu". unidu.hr (Croatian). University of Dubrovnik. 2016-09-18 tarixində orijinalından arxivləşdirilib. İstifadə tarixi: 2014-08-13.
6. International Relations Arxivləşdirilib 2017-02-23 at the Wayback Machine. unidu.hr

Xarici keçidlər

• unidu.hr — Rəsmi saytı