Divnomorskoe

Divnomprskoe — Krasnodar diyarında kənd. Kənd Qara dənizi sahilində yerləşir. Gelencik şəhər-kurort inzibati ərazisinə daxildir. Divnomorskoe kənd dairəsinin inzibati mərkəzidir.

Divnomorskoe
rus. Дивномо́рское
44°30′03″ şm. e. 38°08′07″ ş. u.HGYO
Ölkə	Rusiya
Region	Krasnodar diyarı
Rayon	Gelencik
Tarixi və coğrafiyası
Mərkəzin hündürlüyü	14 m
Saat qurşağı	UTC+3
Əhalisi
Əhalisi	6.358 nəfər
Milli tərkibi	ruslar, ukraynalılar, yunanlar
Rəqəmsal identifikatorlar
Telefon kodu	+7 86141
Poçt indeksi	353490
Xəritəni göstər/gizlə Divnomorskoe Divnomorskoe
Vikianbarda əlaqəli mediafayllar

Coğrafiyası

Kənd Qara dəniz sahilində, Mezyb və Aderba çaylarının qovuşmasından əmələ gələn Mezyb (İnaqua) çayının mənsəbində yerləşir. Çay dərəsinin yuxarı axarlarında su anbarı var.

Qəsəbə Böyük Gelencik kurort zonasına daxildir. Sənaye istehsalı praktiki olaraq yoxdur. İqtisadiyyatda əsas rolu turizm biznesi oynayır. Dəniz sahilində istirahət kompleksləri var. Onların bəziləri tələbələr üçün nəzərdə tutulub.. Üzümçülük və bağçılıq yaxşı inkişaf etmişdir.

İqlimi

Kəndin iqlimi mülayim olub yayı quraq keçir. Orta illik hava temperaturu + 12,5 ° C-dir. Ən isti ayın (iyul) orta aylıq temperaturu təxminən + 23,0 ° C, ən soyuq ay (yanvar) təxminən + 2,5 ° C-dir. Orta illik yağıntı 850 mm-dir.

Tarixi

19-cu əsrin ortalarına qədər müasir kəndin yerində çərkəzlərin Mezyb kəndi var idi. (adıq Мэзыб — "çoxlu meşəlik").

Bu kənddin başqa bir adı Saxta Gelendckdir.

Rostov regional arxivində şəhər muzeyinin əməkdaşları Qara dəniz sahil xəttinin rəisi general N.N.Raevskinin hesabatını tapdılar. Raevskinin yazılarında 1831-ci ildə Gelencikdə istehkam tikintisi zamanı Saxta Gelenciki xatırlayırdı.^[1]

Tarixçilər hesab edirlər ki, belə bir ad qaranlıqda zəif işıqları görən gəmi kapitanları bu kiçik körfəzi Gelenciklə səhv salaraq, lövbər ataraq bura gələndə yarana bilərdi.

100 ildən artıq qəsəbənin rəsmi adı "Saxta Gelencik" olub və yalnız 1964-cü ildə Divnomorskoye adlandırılıb^[2]. Sakinlərin xahişi ilə adı dəyişdirilib. Hətta kəndə ən yaxşı ad verilməsi üçün müsabiqə elan olunub. Çoxlu təkliflər var idi və bir dəfə istirahət edənlər yerli poçt şöbəsinə gələrək təəssüratlarını heyranlıqla bölüşməyə başladılar: "Nə gözəl dəniziniz var!"

2004-cü il martın 10-da Krasnodar diyarının inzibati rayonlarının transformasiyası zamanı Divnomorskoye kəndi Gelencik kurort şəhərinin tərkibinə daxil edilmişdir.

Əhalisi

2010-cu ilin məlumatına əsasən Dvnomorskoedə 6358 nəfər yaşayır. Əhalinin milli tərkibi belədir: ruslar- 86,77%, ukraynalılar — 4,17%, yunanlar — 2,08 %-dir.

İstinadlar

1. ""От Джанхота до Криницы". Краеведческо-туристический альманах. Авторский проект ILVER'a". praskoveevka.ru. 2017-09-25 tarixində arxivləşdirilib. İstifadə tarixi: 2021-01-19.
2. "Геленджик". 2011-05-18 tarixində arxivləşdirilib. İstifadə tarixi: 2009-05-12.