Cream

Cream — İngiltərə rok qrupu. Qrupun üzvləri Cek Brüs (bas gitara), Erik Klepton (gitara) və Cincr Beyker (zərb alətləri) olmuşdur. Cream ilk super-qrup hesab olunur.^[6] Qrup üzvləri instrumental ifa bacarıqlarına görə yüksək qiymətləndirilmişdir.

Cream
Cream 1967-ci ildə. Soldan-sağa: Cincr Beyker, Cek Brüs və Erik Klepton
Əsas məlumatlar
Üslub	Psixodelik rok[1] blüz-rok[2] eysid rok[3] hard rok[4] jam band[5]
Fəaliyyət illəri	1966–1968 1993 2005
Ölkə	İngiltərə
Şəhər	London
Leybl	Reaction Polydor Atco RSO Reprise
Keçmiş üzvlər	Cek Brüs Erik Klepton Cincr Beyker
Vikianbarda əlaqəli mediafayllar

Qısamüddətli üç illik fəaliyyəti ərzində qrup dörd albom buraxmışdır: "Fresh Cream" (1966), "Disraeli Gears" (1967), "Wheels of Fire" (1968) və "Goodbye" (1969). "Disraeli Gears" albomunun buraxılış ərəfələrində prodüser və multi-instrumental ifaçısı Feliks Pappalardi studiyada qrupa qoşulmuşdur. Onların musiqisi blüz-rok, psixodeliya və hard rok kimi rok musiqi janrlarını əhatə edirdi. Cream fəaliyyət müddətində dünya üzrə 15 milyondan çox səsyazma nüsxəsi satmışdır.^[7] Qrupun üçüncü albomu, "Wheels of Fire" (1968) ilk platin-satışlı cüt albom olmuşdur.^[8] Onlar "Sunshine of Your Love" (1967) və "White Room" (1968) kimi mahnılarla beynəlxalq hitlərə imza atmışdır.

Brüs və Beyker arasındakı gərginlik 1968-ci ilin may ayında qrupun dağılmasına səbəb olmuş, lakin qrup son dəfə "Goodbye" albomunu buraxmış və turneyə çıxmışdır. Tur, 1968-ci ilin 25 və 26 noyabr tarixlərində Royal Albert Hall-da iki son vida konserti ilə başa çatmışdır. Bu konsertlər lentə alınıb kinoteatrlarda nümayiş olunmuşdur.

1993-cü ildə Cream Rok-n-roll şöhrət zalına daxil edilmişdir.^[9] Onlar həm "Rolling Stone", həm də VH1-in "Bütün zamanların ən böyük 100 sənətkarı" siyahısında müvafiq olaraq 67 və 61-ci yerdə salınmışdır. Onlar həmçinin VH1-in "Hard-rokun 100 ən böyük sənətkarı" siyahısında 16-cı yerdə qərarlaşmışdır.^[4]

Heyət

Qrup üzvləri

• Cincr Beyker — zərb alətləri, aparıcı və geri vokal (2019-cu ildə vəfat etmişdir)
• Cek Brüs — aparıcı və geri vokal, bas gitara, klavişli alət, piano, harmonika, violonçel, akustik gitara, fleyta (2014-cü ildə vəfat etmişdir)
• Erik Klepton — aparıcı və ritm gitara, geri və aparıcı vokal

Sessiya iştirakçıları

• Pit Braun – sözlər, həmmüəllif (1966–1969; 2023-cü ildə vəfat edib)
• Feliks Pappalardi – istehsal, viola, zınqırov, orqan, truba, tonet, mellotron, piano, bas gitara (1967–1969; 1983-cü ildə vəfat edib)
• Mayk Teylor – həmmüəllif (1968; 1969-cu ildə vəfat etmişdir)
• Corc Harrison – ritm gitara (1969; 2001-ci ildə vəfat etmişdir)

Diskoqrafiya

Əsas məqalə: Cream diskoqrafiyası

• Fresh Cream (1966)
• Disraeli Gears (1967)
• Wheels of Fire (1968)
• Goodbye (1969)

Həmçinin bax

• Albom dövrü

İstinadlar

1. Budofsky, Adam, redaktorThe Drummer: 100 Years of Rhythmic Power and Invention. Hal Leonard Corporation. 2006. səh. 62. ISBN 978-1-4234-0567-2.
2. Staff. ""We Were One of the Early Heavy Metal Bands Without Knowing It": How Eric Clapton, Jack Bruce and Ginger Baker Turbo-Charged the Blues With Cream". Guitar Player. 10 April 2023. 10 August 2023 tarixində arxivləşdirilib. İstifadə tarixi: 8 August 2023.
3. Knowles, Christopher. The Secret History of Rock 'n' Roll. Cleis Press. 2010. səh. 199. ISBN 9781573444057.
4. "VH1's 100 Greatest Artists of Hard Rock (20–1)". VH1. 2000. 10 February 2005 tarixində orijinalından arxivləşdirilib. İstifadə tarixi: 26 June 2008.
5. ""Readers' Poll: The 10 Best Jam Bands"". rollingstone. 25 March 2015. İstifadə tarixi: 14 March 2024.
6. "Supergroup Cream rises again". CNN.com. 20 December 1999. 3 May 2005 tarixində arxivləşdirilib. İstifadə tarixi: 2 October 2011.
7. "Cream: Still Rising to the Top". Time.com. 9 March 2009. 22 September 2013 tarixində arxivləşdirilib. İstifadə tarixi: October 23, 2020.
8. "Cream – the Band". BBC. 20 September 2000. 3 February 2006 tarixində arxivləşdirilib. İstifadə tarixi: 30 June 2008.
9. "Cream: inducted in 1993" Arxivləşdirilib 2022-12-03 at the Wayback Machine. The Rock and Roll Hall of Fame and Museum. Retrieved 25 April 2012

Xarici keçidlər

• DMOZ-da Cream
• Ginger Baker's official website
• Jack Bruce's official website
• Eric Clapton's official website