From Wikipedia, the free encyclopedia
Cemal Kütahya (12 iyun 1990, Konya – fevral 2023[1], Antakya) – Türkiyə həndbolçusu. Türkiyənin həm milli həndbol komandasının, həm də milli çimərlik həndbolu komandasının kapitanı idi.
![]() ![]() | |||||||||||||
---|---|---|---|---|---|---|---|---|---|---|---|---|---|
türk. Cemal Kütahya | |||||||||||||
![]() | |||||||||||||
Ümumi məlumatlar | |||||||||||||
Doğum tarixi | 12 iyun 1990 | ||||||||||||
Doğum yeri | |||||||||||||
Vəfat tarixi | fevral 2023[1] (32 yaşında) | ||||||||||||
Vəfat yeri | |||||||||||||
Vətəndaşlığı | |||||||||||||
Boyu | 1.87 m | ||||||||||||
Mövqeyi | meydan oyunçusu | ||||||||||||
Karyerası | |||||||||||||
Təltif və medalları | |||||||||||||
|
|||||||||||||
![]() |
Həndbol karyerasına Akdeniz Universitetinin komandasında başlamışdır. Türkiyədə "Ankara İl Özəl İdarə", "İstanbul Yeditəpəspor", "Ankaraspor", "Antalyaspor", "Beykoz Bələdiyyəsi" klublarında, Qətərdə "Əl-Şəmal" klubunda, Rumıniyada isə "Suçava" klubunda çıxış etmişdir. "Əl-Şəmal" klubu ilə 2020-ci ildə Ərəb Çempionlar Liqasının qalibi olmuşdur. Sonuncu klubu Türkiyənin "Hatay Böyüşəhər Bələdiyyəspor" idi və komandası Türkiyə çempionatında məğlubiyyətsiz irəliləyirdi.[2]
Cemal Kütahya Türkiyə milli həndbol komandasının kapitanı kimi 2022-ci ildə baş tutmuş İslam Həmrəylik Oyunlarında çıxış etmiş və gümüş medalın sahibi olmuşdur. Türkiyə millisinin heyətində 150-dən çox oyuna çıxmışdır.[2]
O, Türkiyə milli çimərlik həndbol komandasının da kapitanı olmuşdur. 2019-cu ildə 172 qolla, 2021-ci ildə isə 151 qolla çimərlik həndbolu üzrə keçirilmiş Avropa çempionatlarının bombardiri olmuşdur. Dalbadal iki çempionatın bombardiri olan ilk həndbolçu olmuşdur.[3] 2015-ci ildə İtaliyanın Peskara şəhərində baş tutmuş Aralıq Dənizi Çimərlik Oyunlarında milli komanda ilə üçüncü olmuşdur.[2]
6 fevral 2023-cü ildə baş vermiş Türkiyə–Suriya zəlzələsində Antakyada yaşadığı evin dağıntıları altında qalaraq 5 yaşlı oğlu Çınar Kütahya ilə birlikdə ölmüşdür. 15 fevralda Konyanın Kurtuluş qəbiristanlığında dəfn olunmuşdur.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.