From Wikipedia, the free encyclopedia
Bavariya-Landsxut hersoqluğu (alm. Teilherzogtum Bayern-Landshut) — 1353–1503-cü illərdə Müqəddəs Roma İmperiyasında mövcud olmuş dövlət.
Hersoqluq bavariyalı Müqəddəs Roma imperatoru IV Lüdviqin ölümündən sonra yaradılmışdı. Lüdviqin imperiyasını parçalayan 1349-cu ildə imzalanmış Landsberq müqaviləsinə görə oğulları Stefan, Vilhelm və Albert Aşağı Bavariya və Niderlandı birgə idarə etməli idilər. Dörd il sonra 1353-cü il Regensburq müqaviləsi ilə miras yenidən bölündü; Stefan Bavariya-Landsxutun yeni hersoqu edildi. 1363-cü ildə Stefan eyni zamanda Yuxarı Bavariya hersoqu oldu və onu yenidən Bavariya-Landsxut ilə birləşdirdi. Stefanın ölümündən sonra onun üç oğlu hersoqluğu birgə idarə edirdi. Lakin 1392-ci ildə Bavariya-Landsxut yenidən üç hersoq üçün bölündü və beləliklə, Bavariya-Münhen və Bavariya-İnqolştadt yaradıldı.
1429-cu ildə Bavariya-Ştraubinqin bəzi hissələri, o cümlədən 1447-ci ildə bütün Bavariya-İnqolştadt hersoqluğu Bavariya-Landsxut ilə birləşdirildi. Bavariya-Landsxut o zamanlar Rattenberq və Kitzbüeldəki mədənlərinə görə Bavariyanın ən varlı hissəsi idi və ən müasir idarəetmə üsuluna sahib idi. Hersoqların paytaxtı Landsxutdakı Trausnitz qalası idi. 1475-ci ildə isə Burqhauzen qəsrindəki ikinci iqamətgahlarına köçdülər.[1]
Hersoqluq, son hersoq Zəngin Georqun ölümünün səbəb olduğu Landsxut varislik müharibələrinə qədər ümumilikdə 150 il davam etdi. 1505-ci ildə müharibənin sonunda torpaq yeni yaradılmış Pfals-Noyburq hersoqluğu və Bavariya-Münhen arasında bölündü. Kufştayn və Kitzbüel isə Bavariya-Münhenə verdiyi dəstəyə görə təzminat olaraq Müqəddəs Roma İmperatoru I Maksimiliana verildi və sonra Tirol ilə birləşdirildi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.