Azərbaycan Kikboksinq Federasiyası

Azərbaycan Kikboksinq Federasiyası (qısa adı:AKF) — 1993-cü ildə yaradılmış idman federasiyası.

Azərbaycan Kikboksinq Federasiyası
Növü	İdman Federasiyası
Yaranma tarixi	1993
Qeydiyyat tarixi	1993
Rəsmi dili	Azərbaycan
Mərkəzi	AZ-1033, Bakı şəhəri,
Sədr	Adil Əliyev

Tarixi

Federasiya 1993-cü ildə Azərbaycan Respublikası Əməkdar Xadimi, Uşu Federasiyasının prezidenti Azər Həsənsoy tərəfindən yaranmışdır^[1]. İlk yarananda federasiyanın adı Azərbaycan Kikboksinq Federasiyası idi. Bir il sonra isə adı Azərbaycan Kikboksinq və Muey-Tay Federasiyası olaraq dəyişdirilmişdir.

1999-cu ildə Azərbaycan Kikboksinq və Muey-Tay Federasiyasının Prezidenti olan Azər Həsənsoy tərəfindən Milli komandanın rəisi və beynəlxalq əlaqələr üzrə menecer vəzifəsinə Sadıx Bağırov təyin olunmuşdur.

2000-ci ildə Azərbaycan Kikboksinq və Muey-Tay Federasiyasının Prezidenti Millət Vəkili Adil Əliyev seçilmişdir.

2000-ci ildə AKMF-nın 1-ci Vitse-Prezidenti Oqtay Mehtiyev təyin olunmuşdur (2008-ci ildə istefaya verdi). 2001-ci ildə Namiq Əsgərov və Ramiz Quliyev AKMF-nın Vitse-Prezident vəzifələrinə təyin olunublar^[1]. 2008-ci ildə Güloğlan Cabbarov Azərbaycan Kikboksinq Federasiyasının Vitse-Prezidenti təyin olunmuşdur.

12 dekabr 2008-ci ildə İdarə Heyətinin qararı ilə Azərbaycan Kikboksinq və Muey-Tay Federasiyası iki müstəqil təşkilatlara bölünub: Azərbaycan Kikboksinq Federasiyası və Azərbaycan Muaytay Tayboks Federasiyası.^[1]

Üzvü olduğu təşkilatlar

1. (1995-indi) — WAKO-nun (World Association of Kickboxing Organization) rəsmi üzvü.
2. (1997–2002) — İAKSA-nın (International Amateur Kickboxing Sport Association) rəsmi üzvü.
3. (1999–2009) — WPKA-nın (World Profi Kickboxing Association) rəsmi üzvü.

Rəhbərlik

• Prezident: Orxan Əliyev^[2]
• Vitse-Prezident: Ramal Aslanov
• Baş menecer və Milli komandanın rəisi: Sadıx Bağırov
• Katib: Rüstəm Rüstəmov
• GİN-də kurator: Tofiq Eyvazov

İstinadlar

1. "Kikboksinq Azərbaycanda". 2012-10-01 tarixində orijinalından arxivləşdirilib. İstifadə tarixi: 2014-04-09.
2. "Azərbaycan Kikboksinq Federasiyasına yeni prezident seçildi" (az.). qafqazinfo.az. 2021-06-24 tarixində arxivləşdirilib. İstifadə tarixi: 2020-08-30.