Alupka

Alupka (ukraynca , rus. Алупка) — Krım dağlarının cənub hissəsində yerləşən bir kurort şəhəridir.

Şəhər
Alupka
Алупка Alupka
Bayraq Gerb
44°25′11″ şm. e. 34°02′35″ ş. u.HGYO
Ölkə	Ukrayna  Rusiya[1]
Tarixi və coğrafiyası
Əsası qoyulub	960
Sahəsi	4 km²
Mərkəzin hündürlüyü	67 ± 1 m
Saat qurşağı	UTC+03:00 UTC+02:00
Əhalisi
Əhalisi	9.063 nəf. (2021)[2]
Rəqəmsal identifikatorlar
Poçt indeksi	98676 — 98677
Digər
alupkarada.org
Xəritəni göstər/gizlə Alupka
Vikianbarda əlaqəli mediafayllar

Coğrafiyası

İqlim

Yanvar və fevral aylarının orta temperaturu +3 – +4 °C, avqust ayında isə +24,6 °C-dir. Orta illik yağıntı dərəcəsi — 400 mm, günəşli saatların illik orta miqdarı — 2150 saat. Yay mövsümü martdan oktyabradək davam edər (su hərarəti təxminən +22 – +28 °C).

Tarix

Müasir Alupka torpaqlarında ilk insan yerləşmələri miladdan əvvəl VIII minillikdə yarandı. Şəhər birinci dəfə 960-cı ildə Alubika adı ilə anıldı. 1475–1774 illəri arasında Alupka osmanlıların hakimiyyəti altında keçdi. Krım Rusiyanın əlinə keçdikdən sonra (1783-cü il) Alupka R. Potömkinin mülkü oldu. 1823-cü ildə isə burada saray qurduran Mixail Vorontsovun sahibliyinə keçdi. XX əsrin əvvəlindən Alupka kurort oldu. Bu yerə müalicə və rekreasiya üçün Födor Şalapin, Maksim Qorki, Valeri Brüsov, İvan Bunin, Lesya Ukrainka və başqaları gəldilər.

1938-ci ildə Alupkaya şəhər statusu verildi.

Nəqliyyat

Şəhər Yaltadan 17 km uzaqlıqda yerləşir. Krımın mərkəzi və digər məskunlaşılan yerləri ilə Alupka-Sevastopol-Yalta-Simferopol-Feodosiya magistral yolu vasitəsilə əlaqə saxlanılır.

İctimai sahələr

Şəhərdə iki ümumtəhsil və bir musiqi məktəbi, xəstəxana, iki kitabxana, iki mehmanxana, mədəniyyət mərkəzi var.

Xüsusi diqqətə layiq yerlər

Şəhərin məşhur yerlərindən Vorontsov sarayını ve onun ətrafındakı parkı anmaq lazımdır.

Alupkada doğulan, II Dünya Müharibəsi iştirakçısı Ahmet-Han Sultanın muzeyi var.

1972-ci ildə şəhərdə kol və ağaclarların iki yüzdən ziyadə növü olan park açıldı.

İstinadlar

1. OKTMO (rus.).
2. https://rosstat.gov.ru/storage/mediabank/tab-5_VPN-2020.xlsx (rus.).

Xarici keçidlər

• Alupka malümat portalı
• "Bütün Qırım avuç üstünde" saytı Alupkada raatlanuv aqta er angi malümat Arxivləşdirilib 2019-01-01 at the Wayback Machine