Aleksandr Andreyev

Aleksandr Fyodoroviç Andreyev (10 dekabr 1939^[1][2], Leninqrad^[1] – 14 mart 2023^[3]) – rus nəzəriyyəçi-fiziki. SSRİ EA-nın akademiki (1987). REA-nın vitse-prezidenti (1931-ci ildən) və fizika elmləri bölməsinin akademik katibi (2002-ci ildən).

Aleksandr Andreyev
Aleksandr Fyodoroviç Andreyev
Doğum tarixi	10 dekabr 1939(1939-12-10)[1][2]
Doğum yeri	Leninqrad, RSFSR, SSRİ[1]
Vəfat tarixi	14 mart 2023(2023-03-14)[3] (83 yaşında)
Milliyyəti	rus
Atası	Fyodoroviç
Elm sahələri	bərk cisimlər fizikası[d][4], nəzəri fizika
Elmi dərəcəsi	fizika-riyaziyyat elmləri doktoru
Elmi adları	professor[d], REA-nın akademikləri[d]
İş yerləri	P.L.Kapitsa adına Fizika Problemləri İnstitutu[d], Leyden Universiteti (1992–)[2]
Təhsili	Moskva Fizika və Texnologiya İnstitutu
Elmi rəhbəri	Lev Landau
Üzvlüyü	Rusiya Elmlər Akademiyası, SSRİ Elmlər Akademiyası, Gürcüstan Milli Elmlər Akademiyası (2002–)
Mükafatları
kapitza.ras.ru/~andreev/
Vikianbarda əlaqəli mediafayllar

Həyatı

Moskva Fizika-Texnika İnstitutunu (MFTİ) bitirdikdən sonra (1961), REA-nın R. L. Kapitsa adına Fizika Problemləri İnstitutunda işləyir, 1990-cı ildən oranın direktorudur. Andreyev MFTİ-nin professorudur (1979-cu ildən). "Eksperimental və nəzəri fizika" jurnalının baş redaktorudur (1997-ci ildən). Lenin mükafatı ilə təltif olunmuşdur.(1986) .

Fəaliyyəti

Əsas elmi işləri aşağı temperaturlar fizikasına və bərk cismlər fizikasına, ifratkeçiriciliyə, statistik fizikaya həsr olunmuşdur. İfratkeçiricilərdə dinamik aralıq hal nəzəriyyəsini yaratmışdır. Elektronların ifratkeçirici-normal metal sərhəddindən əksolunması xüsusiyyətlərini müəyyənləşdirmişdir. İ. M. Lifşits ilə birlikdə kvant kristallar nəzəriyyəsini yaratmış, kvant diffuziyası hadisəsini, həmçinin maye heliumun səthində aşqarların kvant adsorbsiyasını və ikinci səthi səsin mövcudluğunu qabaqcadan söyləmişdir. I növ faza keçidi nöqtəsində termodinamiki kəmiyyətlərin xüsusiyyətlərinə aid ümumi məsələsini həll etmişdir. Kvant kristalların ifrat kristallaşma hadisəsini, ərimə və kristallaşma dalğalarının mövcudluğunu qabaqcadan söyləmişdir.^[5]

İstinadlar

1. http://ras.ru/win/db/show_per.asp?P=.id-7.ln-ru.dl-.pr-inf.uk-12.
2. Leidse Hoogleraren (nid.).
3. Памяти Александра Федоровича Андреева (10.12.1939-14.03.2023).
4. http://ras.ru/win/db/show_per.asp?P=.id-7.ln-ru.dl-.pr-inf.uk-11.
5. Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 491 – 492. ISBN 978-9952-441-02-4.

Xarici keçidlər