África Oriental

África Oriental ye la rexón más oriental del continente africanu. La so definición nun ye clara, pues varía en función de diferentes factores xeográficos y xeopolíticos. La Organización de les Naciones Xuníes, nel so xeoesquema, considera parte d'ella los venti estaos y territorios que vienen darréu:^[1]:

• Tanzania, Kenia, Uganda, Ruanda, Burundi y Sudán del Sur. Estos países del África centru-oriental son miembros de la Comunidá Africana Oriental, y avecen a considerase tamién como parte de la rexón de los Grandes Llagos d'África. Burundi y Rwanda son incluyíos, en dellos documentos, n'África Central.
• Xibuti, Eritrea, Etiopía y Somalia, conocíos conxuntamente como los países del Cuernu d'África.
• Comores, Mauriciu y Seixeles, trés pequeñes naciones insulares asitiaes nel océanu Índicu.
• Reunión y Mayotte, dos territorios franceses d'ultramar insulares asitiaos tamién nel citáu océanu.
• Mozambique y Madagascar, dos estaos que, pesie al so allugamientu na fastera oriental del continente, munches veces son incluyíos nel África del Sur. Madagascar, amás, tien llazos culturales mui importantes col sureste d'Asia y colos estaos insulares del océanu Índicu.
• Malaui, Zambia y Zimbabue, países incluyíos tamién mui frecuentemente nel África del Sur.

África Oriental
Situación
Tipu	rexón xeográfica
Parte de	África
Coordenaes	1°18′02″S 36°50′50″E
Datos
Población	472 632 934 (2023)

Referencies

1. «Composition of macro geographical (continental) regions, geographical sub-regions, and selected economic and other groupings na web de la División Estadística de les Naciones Xuníes (UNSD).». Archiváu dende l'orixinal, el 2011-07-13.

• Datos: Q27407
• Multimedia: East Africa