Candeleda ye una llocalidá y un conceyu español asitiáu nel valle del Tiétar, al sur de la provincia d'Ávila, comunidá autónoma de Castiella y Lleón. Con una población de 5143 habitantes, ye'l quintu conceyu de la provincia por población dempués d'Ávila, Arévalo, Arenas de San Pedro y Las Navas del Marqués. Ye tamién, con 213,91 km², el segundu conceyu de la provincia por estensión, tres la capital. La ciudá de Candeleda ta asitiada na fastera sur de la sierra de Gredos, a 432 metros sobre'l nivel del mar, polo que tien una microclima con un rangu térmicu mediterraneu d'iviernos nidios y branos calorosos, con temperatures medies pel branu de 26 °C. El conceyu cunta colos nucleos de población de Candeleda y El Rasu, el segundu una pedanía. Judicialmente pertenez al partíu d'Arenas de San Pedro, el númberu 2 de la provincia, que la so cabeza ye la homónima llocalidá vecina.