Ḥueyo

Ḥueyo^[3] (castellanu: Fueyo) ye una aldega^[4] de la parroquia sierense de Tiñana. Tien una población de 171 habitantes.^[5] La ilesia de Santa María de Tiñana allúgase nel centru de l'aldega, xunto a la casa de vecinos (casa San Antonio) y el bar del pueblu. El so códigu postal ye 33199.

Ḥueyo
Alministración
País	España
Autonomía	Principáu d'Asturies
Provincia	provincia d'Asturies
Conceyu	Siero
Parroquia	Tiñana
Partíu xudicial	Siero
Tipu d'entidá	aldea[1]
Nome oficial	Ḥueyo (ast)[2]
Códigu postal	33199
Xeografía
Coordenaes	43°21′47″N 5°44′49″W
Ḥueyo Ḥueyo (Asturies)
Más información
Estaya horaria	UTC+01:00

Xeografía

Pel pueblu nun pasa nengún ríu importante, los únicos cursos d'augua son dellos regueros que circulen pela aldega, anque na so mayoría yá tán secos pola actividá humana o'l tiempu, debíu a esta falta de ríos, esta ye la única parte de Tiñana que nun sufre d'inundaciones durante les crecíes del ríu Nora (que pasa pel restu de la parroquia). Ye la parte más pindia de Tiñana, ocupando la mayor parte del picu Suanu.

Fiestes

• La fiesta de Santa María de Tiñana, la principal del pueblu, céllebrase ente'l 22 y el 25 de xuliu, nun prau dalgo más abaxo de la ilesia.
• La fiesta de San Antonio, céllebrase en xunu na propia ilesia. La fiesta de 2023 foi de caráuter recaudativu, se vendieron pasteles y chorizos pa financiar la reparación de la casa San Antonio, a la que y-cayera un árbol y el ayuntamientu nun la reparó^[6].

Parques

Un pequeñu parque pue atópase dalgo más enriba la ilesia. El parque consiste d'una pequeña zona de neños, una cancha de baloncestu/fútbol y unos bancos.

Amás, esiste más enriba, pel monte, un recintu de propiedá particular pero abiertu a tol mundu, apodáu'l "Prau Moncloa" que funciona como parque y zona recreativa.

Referencies

1. Afirmao en: Nomenclátor d'entidaes de población d'Asturies. Data de consulta: 4 marzu 2024. Editorial: Sociedá Asturiana d'Estudios Económicos ya Industriales.
2. «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 4 marzu 2024.
3. «Espediente colos topónimos oficiales de Siero». BOPA.
4. «SADEI: Noménclator d'entidaes del Principáu d'Asturies» (en castellanu).
5. Sociedad Asturiana de Estudios Económicos e Industriales. «Nomenclátor de entidades de población de Asturias 2011». Consultáu'l 16 de setiembre.
6. Artículu de La Nueva España (en castellanu) "Tiñana recauda fondos para la Casa de San Antonio con una subasta durante la fiesta"

Enllaces esternos

• Datos: Q121437720