Zachary Quinto
From Wikipedia, the free encyclopedia
Remove ads
Zachary John Quinto (2 de xunu de 1977, Pittsburgh) ye un actor d'Estaos Xuníos. Los sos roles más famosos son Adam Kaufman en 24, Spock na oncena y docena entrega de la saga de ciencia ficción Star Trek y Gabriel "Sylar" Gray en Heroes.
Remove ads
Biografía
Quinto, que la so ascendencia ye metá italiana y metá irlandesa per parte de los sos padres, nació en Pittsburgh, pero creció en Green Tree, Pennsylvania. Algamó'l grau de Bachiller (Preparatoria) na Central Catholic High School en 1995. Más tarde foi a la Universidá de Carnegie Mellon, onde se graduó en 1999.
Carrera
La so primer apaición en televisión foi nuna serie de curtia esistencia llamada The Others. Dempués del so debú participó con roles secundarios en dellos programes, incluyendo CSI, Touched By An Angel, Embruxaes, Six Feet Under, Lizzie McGuire, y L.A. Dragnet. En 2004, tuvo un rol nel thriller 24, como Adam Kaufman.
Na serie "So noTORIous" yera l'amuyeráu confidente américo-iranín de Tori Spelling. El programa duró namái una temporada debíu al baxu rating. Con Loni Anderson y Joe Manganiello.
En 2006, Interpretó al inseguru y peligrosu asesín en serie Gabriel "Sylar" Gray, na serie Heroes de la NBC. Por esti personaxe conoció la fama internacional.
El 26 de xunetu de 2007 anuncióse oficialmente, na 2007 Comic-Con, qu'él interpretaría al nuevu Spock na oncena película de Star Trek.
En 2011 protagonizó'l thriller Margin Call, la comedia dramática de fantasía Girl Walks Into a Bar y la comedia romántica What's Your Number?. En 2012, na película Dog Eat Dog fai de sigo mesmu nuna hestoria alrodiu de l'adopción de perros, con campaña incluyida pa recaldar fondos.
Tamién intervieno en dellos episodios de l'aclamada serie American Horror Story (2011), protagonizando la segunda temporada (2012-2013).
En mayu de 2012 terminó'l rodaxe de la secuela de Star Trek protagonizada por él. Un añu más tarde debutaba sobre los escenarios de Broadway na obra El zoo de cristal, de Tennesse Williams.
Remove ads
Vida privada
Zachary Quinto ye un notable defensor de los derechos LGBT. Participó en proyeutos como It Gets Better, y declaróse públicamente gai nel so blogue, n'ochobre del 2011.[3] Esplicó na entrevista col New York Magazine y depués nel so blogue que, dempués del suicidiu del adolescente Jamey Rodemeyer, acosáu pola so orientación sexual, y tres la recién aprobación del matrimoniu ente persones del mesmu sexu en Nueva York, diose cuenta de cómo vivir una vida auténtica, que-y dexará ser una voz pa la igualdá.[4][5] El 13 de setiembre de 2012, Zachary confirmó que taba calteniendo una rellación col actor de Glee, Jonathan Groff.[6] Esta rellación acabó en xunetu de 2013.
Filmografía

Películes
Televisión
Videoxuegos
Remove ads
Premios y nominaciones
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads