From Wikipedia, the free encyclopedia
John William Cann Jr. (27 de setiembre de 1920, Louisville – 11 de febreru de 1994, Los Angeles), más conocíu como William Conrad, foi un direutor de televisión, actor, direutor de cine, actor de cine, actor de televisión, actor de voz, productor de cine, productor de televisión y productor d'Estaos Xuníos.
William Conrad | |
|---|---|
 | |
| Vida | |
| Nacimientu | Louisville[1], 27 de setiembre de 1920[2] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 11 de febreru de 1994[2] (73 años) |
| Sepultura | Forest Lawn Memorial Park |
| Causa de la muerte | insuficiencia cardiaca |
| Fíos/es | 1 |
| Estudios | |
| Estudios |
Excelsior High School (en)  |
| Llingües falaes | inglés |
| Oficiu | direutor de televisión, actor, direutor de cine, actor de cine, actor de televisión, actor de voz, productor de cine, productor de televisión, productor |
| Serviciu militar | |
| Cuerpu militar | Fuercies Aérees del Exércitu de los Estaos Xuníos |
| Graduación |
capitán (es) |
| Lluchó en | Segunda Guerra Mundial |
| IMDb | nm0002016 |
 | |
Empezó trabayando na radio a finales de la década de 1930 en California; darréu sirvió como pilotu al exércitu del so país mientres la II Guerra Mundial. Rematada la guerra, siguió trabayando como actor radiofónicu, llabor pa la que s'atopaba especialmente dotáu gracies a la so voz grave, fonda y resonante. Destaca'l so papel de Marshal Matt Dillon na radionovela ambientada nel Oeste Gunsmoke (1952–61). Otres producciones radiofóniques nes que trabayó inclúin Escape, Suspense y The Damon Runyon Theater.
Trabayó tamién en cine, anque namái de forma esporádica, destacando ente los títulos nos qu'intervieno Foraxíos (1946), xunto a Burt Lancaster y Ava Gardner, Cuerpu y alma (1947), Joan of Arc (1948) con Ingrid Bergman, y The Naked Jungle (1954), con Charlton Heston.
Sicasí, ye probablemente más recordáu por cuenta del so trabayu en televisión. Debutó nel mediu na década de 1960. Intervieno en series como The Man and the Challenge o Target: The Corruptors! (1962) y foi'l narrador na famosa producción The Fugitive (1963-1967). Probablemente'l so personaxe más popular foi'l del gruesu detective que daba títulu a la serie Cannon, emitida pola cadena CBS ente 1971 y 1976. Darréu protagonizó tamién les series Nero Wolfe (1981) y Jake and the Fatman (1987–1992), con Joe Penny.
Finó por causa de una insuficiencia coronaria, el 11 de febreru de 1994, a la edá de 73 años.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
