pintor post-impresionista neerlandés From Wikipedia, the free encyclopedia
Vincent Willem van Gogh (30 de marzu de 1853, Zundert – 29 de xunetu de 1890, Auvers-sur-Oise) foi un pintor neerlandés, conocíu por ser ún de los principales esponentes del postimpresionismu.
Vincent van Gogh![]() | |
---|---|
![]() | |
Vida | |
Nacimientu | Zundert[1], 30 de marzu de 1853[2] |
Nacionalidá |
![]() |
Residencia |
Monasterio de Saint-Paul-de-Mausole (es) ![]() Cuesmes (en) ![]() Maison Van Gogh (en) ![]() |
Grupu étnicu |
neerlandeses (es) ![]() |
Muerte | Auvers-sur-Oise[4], 29 de xunetu de 1890[2] (37 años) |
Sepultura |
Auvers-Sur-Oise Communal Cemetery (en) ![]() tomb of Vincent and Theo van Gogh (en) ![]() |
Causa de la muerte | mancada por arma de fueu |
Familia | |
Padre | Theodorus van Gogh |
Madre | Anna Cornelia Carbentus |
Casáu con | ensin valor |
Pareyes |
Sien Hoornik Margot Begemann |
Hermanos/es | |
Estudios | |
Estudios |
Real Academia de Bellas Artes de Amberes (es) ![]() |
Llingües falaes |
neerlandés[5] francés[6] |
Alumnu de |
Anton Mauve Constantinus Cornelis Huysmans |
Profesor de | Antoon Hermans |
Oficiu | pintor, dibuxante, grabador, ilustrador botánicu, dibuxante arquiteutónicu, aguafuertista, litógrafu, artista gráficu |
Participante
| |
Llugares de trabayu |
Tilburg (es) ![]() ![]() ![]() ![]() |
Emplegadores |
Goupil & Cie (en) ![]() |
Trabayos destacaos |
Los comedores de patatas (es) ![]() Terraza de café por la noche (es) ![]() La nueche estrellada El dormitorio en Arles (es) ![]() Los girasoles (es) ![]() Autorretrato con la oreja vendada y caballete (es) ![]() Paisaje con carro y tren (es) ![]() Trigal con cuervos (es) ![]() Head of an Old Peasant Woman with White Cap (en) ![]() |
Influyencies | Anton Mauve, Paul Gauguin, Willem Roelofs, Paul Cézanne, Peter Paul Rubens, Jean-François Millet y Katsushika Hokusai |
Miembru de |
Société française de gravure (en) ![]() |
Movimientu |
Posimpresionismu[7] Espresionismu |
Xéneru artísticu |
pintura de paisaxe bodegón (es) ![]() semeya paisaje urbano (es) ![]() vista interior (es) ![]() autorretrato (es) ![]() arte cristiano (es) ![]() |
IMDb | nm0994883 |
![]() | |
![]() |
Una figura perimportante na so vida foi'l so hermanu menor Theo, marchante d'arte en París, quien-y dio sofitu financieru de manera continua y desinteresada. La bona rellación ente ellos ta documentada nes numberoses cartes que s'intercambiaron dende agostu de 1872. De les 800 cartes que se caltienen del pintor, unes 650 fueron para Theo, les otres son correspondencia con amigos y familiares.
Van Gogh foi esencialmente autodidauta. Dende mozu tuvo enclín escontra'l dibuxu. El so primer trabayu foi nuna galería d'arte. Más tarde convirtióse en pastor protestante y en 1879, a la edá de 26 años, coló como misioneru a una rexón minera de Bélxica,ú entamó a dibuxar a la xente de la comunidá llocal. En 1885 pintó la so primer gran obra, Los comedores de pataques. Nesi momentu la so paleta componíase principalmente de tonos aveseos, buxos y terrosos. La llume y la preferencia polos colores vivos pola que ye conocíu surdió darréu, cuando se treslladó al sur de Francia, consiguiendo la so plenitú demientres la so estancia n'Arles en 1888.
La calidá de la so obra namái foi reconocida dempués de la so muerte, nuna esposición retrospectiva en 1890, considerándose anguaño unu de los grandes maestros de la historia de la pintura. Influyó grandemente nel arte del sieglu XX, especialmente ente los espresionistes alemanes y los fauvistes como Derain, Vlaminck y Kees Van Dongen.
Finó a los 37 años por una firida de bala de pistola; entá nun se sabe con seguridad si foi un suicidiu o un homicidiu involuntariu. A pesar de qu'esiste un enclín xeneral a especular que la so enfermedá mental influyera na so pintura, el críticu de arte Robert Hughes cree que les obres del artista tán executaes so un completu control; ello ye que'l pintor enxamás trabayó nos periodos nos que taba enfermu.
Vincent van Gogh produció tola so obra (unes 900 pintures y 1600 dibuxos) demientres un periodu de solamente 10 años (etapa de 1880-90) hasta que venció a la enfermedá mental (posiblemente un trestornu bipolar o una epilepsia). Decidió ser pintor cuando tenía 27 años y siempres quixo reflexar la vida nes sos obres. La so carrera pictórica ta marcada polos llugares onde vivió y trabayó. Asina s'aprecia na primer etapa de los Países Baxos (1880-1886), onde la pintura tradicional y popular d'esti país, puramente en colores terrosos, fueron lo que más influyó n'obres como "Los comedores de pataques" y les pintures sobre los texedores d'esti llugar. Realizó numberosos dibuxos de mineros, de personaxes populares y copió obres del so pintor favoritu, Millet.
Pintó unos 900 cuadros (ente ellos 27 autorretratos y 148 acuareles) y realizó más de 1600 dibuxos.
La siguiente etapa, en París (1886-1887), ye la que lu pon en contautu colos impresionistes que pretendíen romper col academicismu de la dómina, col treslláu a la pintura de les impresiones de los sos sentíos por aciu la observación de la naturaleza. En París, conoció pintores como Henri de Toulouse-Lautrec y Paul Signac, afayó una nueva perceición de la llume y la color, aprendió la división de les games clares y los tonos y amosó una simplificación al empar qu'una mayor intensidá nel tratamientu de los colores. Nesta dómina empezó a copiar llámines xaponeses, siendo ún de los pintores europeos a los que más influyó esti tipu de pintura.
Quiciabes Van Gogh representó meyor el posimpresionismu, estilu qu'asocedió aproximao nun periodu ente 1885 y 1915. Representó una vía diverxente del impresionismu, ú los pintores faen de la vida cotidiana la so tema principal. Esti términu foi utilizáu per primer vegada en 1910 por Roger Eliot Fry; surde del títulu que dio a la esposición de la Grafton Gallery en Londres: «Manet y los postimpresionistas». Foi utilizáu por artistes como Cézanne, Van Gogh y Seurat pero dacuando tamién por otros artistes de la gran década impresionista (1870-1880) como Matisse y Pierre Bonnard.
La so obra destaca pol usu de la color y una téunica frenética que contién dellos trazos del espresionismu. Van Gogh y Gauguin teníen téuniques distintes; Gauguin taba avezáu a pintar de normal nel taller de memoria y Van Gogh precisaba siempres copiar in situ, fueren paisaxes o un modelu. El so temperamentu aponderáu quixo demostralo pela vía de la color.
Los entamos del espresionismu apaecen mientres los dos últimes décades del sieglu XIX, na obra de Van Gogh, La italiana de finales de 1887, y na de Edvard Munch (autor de "El Berru") y, n'otru nivel, na del belga James Ensor (autor de "La entrada de Cristu a Bruxeles"). Un enclín a la que contribuyiría Van Gogh, dempués de la so llegada en 1888 a Arles, onde'l choque cola llume del sur, embúrria-y a la conquista de la color, con obres como "La nueche estrellada" y "Los Olivos de Saint-Rémy" (1889). Les pintures del periodu de Sant Rémy de Provenza, caracterícense polo xeneral por remolinos y espirales. Dende la dramatización de les escenes de los sos primeros trabayos, a la simplificación que caracterizó les sos últimes obres, nes que Van Gogh yá anuncia l'entamu del espresionismu. Túvose qu'esperar al agostu de 1911, cuando'l críticu d'arte Wilhelm Worringer foi'l primeru en falar del espresionismu.
N'Alemaña y Austria, espresionistes como Ernst Ludwig Kirchner, Erich Heckel, Paul Klee y Oskar Kokoschka van aprender de la téunica de Van Gogh, del nerviosismu, la desaxeración de les llinies y colores, que faen que surda meyor la espresión de los sentimientos y les emociones. El color y l'empastie na proyeición de la pintura de Van Gogh, formalizóse quince años más tarde col surdimientu del fovismo. Según Van Gogh: «En llugar de reproducir con exactitú lo que tengo delantre los güeyos, prefiero sirvime de la color pa espresame con más fuercia»
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.