parroquia del conceyu de Llaviana (Asturies) From Wikipedia, the free encyclopedia
Tolivia[2] ye una parroquia del conceyu asturianu de Llaviana. Ocupa la fastera suroccidental del conceyu, y llenda: al norte y al este cola parroquia de Villoria, al sur col conceyu d'Ayer y al oeste col de Mieres. El so territoriu, que se dixebró en 1886 del de la parroquia de Villoria, ye de 16,86 km² de terrenu pindiu nes cuenques de los ríos Molinera y Les Campes. La so población ye de 233 habitantes (INE, 2010), que se reparten ente'l pueblu homónimu, de 93 habitantes, y les aldees de La Bárgana, La Brañivieya, La Cuesta los Valles, Fresneo, El Navaliegu, Les Palombes, La Cuesta, L'Artaúsu, Llanulatabla y Valsemana.
![]() | |
---|---|
Alministración | |
País | ![]() |
Autonomía | ![]() |
Provincia | ![]() |
Conceyu | ![]() |
Partíu xudicial | Llaviana |
Tipu d'entidá | parroquia d'Asturies |
Xeografía | |
Coordenaes | 43°11′56″N 5°35′30″W |
Altitú | 442 m[1] |
Llenda con | Villoria, Urbiés, Serrapio, Peḷḷuno y Vega |
Demografía | |
Población | 179 hab. (2020) |
Porcentaxe |
1.45% de Llaviana 0.02% de provincia d'Asturies 0.02% de Principáu d'Asturies 0% de España |
Más información | |
Estaya horaria | UTC+01:00 |
![]() |
Por mor de la escayencia de la minería del carbón, dende la década de 1980, el pueblu, como'l restu'l valle del Nalón, entamó un claro declive poblacional. Poro, nos años caberos ye creciente'l númberu de persones que caltién el llugar como segunda residencia. Esi esporpoye social nun valió pa evitar el pieslle de les escueles de Tolivia, nun procesu de concentración de los escolinos del conceyu de Llaviana, pero sí que favoreció el desendolcu d'una actividá cultural y social valoratible.
Un exemplu d'ello ye l'actividá desenvuelta pol Centru Cultural El Cascayu, que tien más d'un cientu de socios, nun residentes nel pueblu bien dellos. Esti coleutivu organiza delles actividaes de tipu solidariu, cultural o social, como la recoyía de llibros y dineru pa escueles de países en víes de desenrollu, escursiones o marches a pie n'alcordanza de vieyes rutes mineres, ente otres. Otros exemplos son la organización del "Mercáu Tradicional Astur", en xunu de 2005, o les fiestes de San Antón, nel mes de xineru, o de San Roque, na primer selmana de setiembre.
Nᵘ | Nome
|
Población | % población Tolivia (parroquia) |
---|---|---|---|
1 | El Navaliegu
|
n/d
| |
2 | Fresneo
|
n/d | |
3 | L'Artaúsu
|
n/d | |
4 | La Brañivieya
|
n/d | |
5 | La Bárgana
|
n/d | |
6 | La Cuesta
|
n/d | |
7 | La Cuesta los Valles
|
n/d | |
8 | Les Palombes
|
n/d | |
9 | Llanulatabla
|
n/d | |
10 | Tolivia
|
n/d | |
11 | Valsemana
|
n/d |
El pueblu fízose célebre dende l'apaición nel mundu de la música de los tolivianos más famosos, el grupu musical Los Berrones. Ellos, Ramón, Tante y Olegario, fundadores y componentes actuales del grupu, siempre punxeron por bandera la so identidá toliviana llegando incluso a titular ún de los sos ocho discos como República Independiente de Tolivia (editáu por Santo Grial en 2002).
El nome del pueblu algamó cierta relevancia otra vegada nel de mes de xunetu de 2005, col asoleyamientu del "Furacón de la Tiyera". Por casualidá, durante unes obres de sestaferia y renovación de la trayía de l'agua, apaeció una sotravia de grandes dimensiones nel medio'l pueblu. Lo qu'en principiu creyóse que yera solo un furacu na peña, acabó por descubrir una cuevona d'orixe cársticu, d'unos 50 metros de llargo esplorable.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.