Timor
From Wikipedia, the free encyclopedia
Timor ye una islla al sur del archipiélagu Malayu, estremada ente l'estáu independiente de Timor Oriental, y Timor Occidental, parte de la provincia indonesa de Nusa Tenggara Oriental. El nome ye una variante de timur, pallabra qu'en malayu significa «este», llamada asina por tar alcontrada na llende oriental d'una cadena d'islles.
| Timor | |
|---|---|
|
| |
| Situación | |
 | |
| Tipu | islla |
| Parte de |
Timor archipelago (en)  |
| Asitiáu en | Mar de Timor |
| Coordenaes | 9°05′S 125°05′E |
  Timor Timor (Indonesia) | |
| Datos | |
| Altitú media | 2963 m[1] |
| Puntu más altu |
Tatamailau (es) [1] |
| Superficie | 30 777 km² |
| Población | 3 368 735 (2023) |
| Llonxitú | 476 km |
 | |
Al sur y sureste de Timor alcuéntrase Australia. Al noroeste, les islles de Célebes, y al oeste, la islla de Sumba. Nes proximidaes atopen la islla de Flores y Alor, y al nordeste les islles Barat Daya.
Timor ta cubiertu de selves tropicales y subtropicales, con munchos árboles de fueya caduca que pierden les sos fueyes mientres la estación seca.
En Timor hubo mientres enforma tiempu un cume volcánicu, que la so lluz sirvió como faru a los marineros que saleaben los mares próximos. En 1637 producióse una gran erupción nel monte de la que nun quedó más qu'un llagu qu'agora ocupa'l so llugar.
Según la mitoloxía local, la islla de Timor yera un cocodrilu xigante.
La islla tuvo políticamente estremada en dos partes mientres dellos años por colonies europees: Timor Occidental, conocíu como Timor Holandés dende la primer década del sieglu XIX hasta 1956 en que se convirtió nel Timor Indonesiu, parte d'Indonesia formada poles antigües Indies Orientales Holandeses; y Timor Oriental conocíu como'l Timor Portugués dende 1596 hasta 1975. Timor Oriental inclúi l'enclave de Oecusse en Timor Occidental. Los Países Baxos y Portugal nun resolvieron formalmente'l contenciosu fronterizu hasta 1914.
Los portugueses afayaron Timor nel entamu del sieglu XVI, ente que los holandeses llegaron más tarde (alredor de 1600) y adquirieron del rajá de Kupang casi la totalidá de los sos estaos. Dende 1511 los dominicos establecíos en Solor unviaron a la islla dellos misioneros. Estos establecieron a mediaos del sieglu XVI una especie de gobiernu eclesiásticu que duró casi un sieglu. El virréi de la india portuguesa punxo fin a esti estáu, nomáu un gobernador de Timor en Solor. En 1719, mientres el gobiernu d'Antonio de Alburquerque, los sultanes indíxenes intentaron sublevase contra la dominación de los portugueses, pero bien llueu se vieron obligaos a capitular.[2]
En 1731 una nueva revolución, a la cabeza de la cual atopábase un oficial portugués llamáu Varella, punxo fin a la dominación portuguesa. Toles places de la mariña cayeron en manes de los sediciosos, sacante Manatulo y Lifau, a onde retiróse'l gobernador. Gracies a nuevos refuerzos, el gobernador acabó por pacificar la islla en 1732. Ye nesta dómina cuando los holandeses empezaron a aumentar les sos posesiones. Tres una llucha bastante llarga, los portugueses fueron vencíos en 1749, y en 1752 los holandeses celebraron un tratáu col rajá de Amanubang y en 1758 col de Savu.[2]
Mientres les guerres napoleóniques, los ingleses ocuparon la islla, pero devolviose en 1814. Depués Holanda intentó mercar la parte portuguesa, pero la so ufierta foi refugada, y en 1859 roblóse un tratáu de llendes, ensin que se llegaren mientres munchos años a ponese d'alcuerdu sobre les fronteres. En 1914 el pleitu foi sometíu al arbitraxe del ministru de Suiza en París, que la so decisión foi aceptada poles dos partes.[2]
L'exércitu indonesiu invadió Timor Oriental el 7 d'avientu de 1975, una selmana dempués de la proclamación de la independencia de Lisboa. Dende entós hasta setiembre de 1999, rexistróse nel territoriu'l mayor xenocidiu proporcional a la población d'un país enxamás verificáu: 220 000 muertos, nuna población qu'en 1975 se calculaba en 650 000 habitantes.
Tres la so anexón por parte d'Indonesia en 1976, Timor Oriental foi llamáu Timor Timur o Tim-Tim. Jakarta considerábala la ventena sétima provincia del país, pero nunca foi reconocida poles Naciones Xuníes. Dempués d'un actu d'autodeterminación en 1999, nel que la población refugó la ufierta d'autonomía dientro d'Indonesia, Timor Oriental aportó a la independencia en 2002.
Por cuenta de la so precaria economía y a les sos constantes revueltes, dexóse la circulación de monedes estranxeres en tol territoriu. Pa llegalizar dicha circulación se contramarcaron les monedes con distintes marques y lleendes. Mientres el reináu de Carlos I de Portugal, por decretu de 13 de xunu de 1900, ordenóse contramarcar toles pieces mexicanes, franceses y brasilanes que circulaben na islla por valor de 1000 reis. El numerario de la islla taba compuestu por monedes de 8 reales de la República de Méxicu y de la metrópolis portuguesa. Anque se conocen tamién delles pieces de 8 reales del rei Carlos IV y monedes de 1 pesu del rei Alfonso XIII de Filipines con fecha 1897. Según l'autor portugués Mariña-Gomes el sellu consistía na Cruz de Cristu” con cuatro brazos y furacu central. El so tamañu bazcuya ente 5 y 7 milímetros, esisten variantes de los punzones con cruces. Les pieces españoles y d'otros países con esta contramarca son bien rares.[3]
- Timor Oriental
- Timor Occidental
- Nusa Tenggara Oriental
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
