From Wikipedia, the free encyclopedia
Tanedyemy (Tanedjem(y), Tanadjmet, Tanedjemet, Tanedy(y)met, Tanozemet), princesa y reina d'empiezos de la dinastía XIX exipcia, aproximao hacia l'añu 1290 e.d.C.
Tanedyemy | |
|---|---|
 | |
| Vida | |
| Muerte | sieglu XIIIedC |
| Sepultura |
QV33 (es)  |
| Familia | |
| Padre | Ramsés 2 |
| Casada con | Seti I |
| Pueblu | Dinastía XIX d'Exiptu |
 | |
Nun foi conocida hasta l'afayu de la so pequeña tumba, QV33, nel Valle de les Reines: nun esistía nin un solu documentu o representación d'esta muyer, ya inclusive hubo dellos problemes na datación. Nun principiu pensóse que debió de ser contemporánea a la dinastía XX, pero agora envalórase que debió de vivir un sieglu enantes, nos alboreceres de la dinastía XIX.
El so nome, que tamién puede ser trescritu como Tanedyemet, paez indicar que podía ser la fía de Horemheb, postreru faraón de la dinastía XVIII y de la so Gran Esposa Real, la reina Mutnedyemet. De ser asina, Tanedyemy xugaría un papel de vital importancia nel cambéu dinásticu, casándose con un faraón de la siguiente dinastía.
Horemheb nun tuvo fíos varones, y acomuñó al tronu al so vieyu visir, que dempués sería'l faraón Ramsés I. Anque esta decisión yera del tou llexítima, lo más normal ye qu'ente un faraón y el so socesor hubiera una rellación familiar y, si nun yera bien direuta, que siquier el nuevu monarca tuviera casáu con una princesa real. De ser Tanedyemy fía de Horemheb, podría esplicase una transición tan pacífica.
Conozse qu'ostentó, como nos diz la so tumba, el títulu de Gran Esposa Real, pero los datos al respeutive del so home nun concasen. Ramsés I convirtió en gran esposa real a la so muyer de tola vida, la dama Sitra, y amás la so avanzada edá podría ser un inconveniente a la de traer al mundu descendencia de Tanedyemy. Por tanto, ye más dable que la princesa fuera casada col fíu de Ramsés I y el siguiente faraón, Seti I. Eso desplicaría por qué la esposa de Seti I, Tuya, namái llevó'l títulu de gran esposa real cuando yá yera viuda y el so fíu ocupaba'l tronu.
Anque ye posible que Tanedyemi fuera reina de Seti I, nun hai rexistru nin muertes sobre ello. Pero'l so casu nun ye únicu: al igual que quiciabes fixo Seti I con Tanedyemy, el so fíu Ramsés II tamién s'encargaría d'esborrar tola hestoria familiar de los sos dos esposes principales, Nefertari y Isis-Nefert. Paez ser que los reis de la nueva dinastía esmoleciéronse enforma d'anubrir una posible ascendencia real de les sos esposes. Tanedyemy, de ser fía de la reina Mutnedyemet, taría direutamente emparentada colos "herexes" de la Crisis d'Amarna (sería sobrina de Nefertiti y nieta d'Ai, dambos condergaos al escaezu eternu).
Sobre la descendencia de Tanedyemy con Seti I o con otru rei, fálase d'un fíu varón, un mediohermanu que pudo tener impidíu que Ramsés II llegara al tronu, pero que morrió bien nuevu primero que'l so padre. Tamién s'especula sobre la posible maternidá de Nefertari, de quien se cree que taba emparentada col faraón Ai.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
