Seth Gabel

Seth Gabel (n. Seth Cosentino, 3 d'ochobre de 1981),^[2] ye un actor d'Estaos Xuníos. Ye conocíu por interpretar al axente Lincoln Lee na serie de televisión de Fox, Fringe.

Seth Gabel
Vida
Nacimientu	Hollywood (es) , 3 d'ochobre de 1981 (43 años)
Nacionalidá	Estaos Xuníos
Llingua materna	inglés
Familia
Casáu con	Bryce Dallas Howard (2006 – )[1]
Fíos/es	Theodore Howard-Gabel (en) Beatrice Howard-Gabel
Estudios
Estudios	Tisch School of the Arts Universidá de Nueva York Universidad de Nova Southeastern (es) University School of Nova Southeastern University (en)
Llingües falaes	inglés
Oficiu
Oficiu	actor, actor de cine, actor de televisión
IMDb	nm0181787

Biografía

Gabel nació'l 3 d'ochobre de 1981 en Hollywood, Florida. Él ye xudíu. Graduóse na Nova Southeastern University en Davie, Florida en 1999^[3] y de la Tisch School of the Arts, perteneciente a la Universidá de Nueva York en Nueva York. Foi compañeru de clase del actor Josh Gad, con quien caltién amistá.^[4]

Conoció a l'actriz Bryce Dallas Howard na Universidá de Nueva York, con quien salió mientres cinco años enantes de casase'l 17 de xunu de 2006. La pareya tien dos fíos: un neñu de nome Theodore Norman (17 de febreru de 2007)^[5] y una neña de nome Beatrice Jean (19 de xineru de 2012).^[6]

Carrera

Debutó en cine na comedia romántica, Tadpole nun papel ensin acreitar, en 2000, a esto siguiéron-y películes como Good Dick y The Da Vinci Code, dirixida pol so suegru, Ron Howard.

Ente que'l so debú en televisión asocedió en 2002, na serie 100 Centre Street. Los sos creitos adicionales en televisión inclúin papeles recurrentes y d'invitáu en series como United States of Tara, The Closer, Law & Order: Special Victims Unit, CSI: Crime Scene Investigation, Sex and the City.

Tamién ye conocíu por interpretar al playboy Jeremy, el fíu encantador y rebalbo de la familia Darling y hermanu ximielgu de Juliet (Samaire Armstrong), nel drama de la cadena ABC, Dirty Sexy Money.^[7]

En 2007 foi nomáu unu de los homes más curiosos de la revista People.^[4]

Seth llamó l'atención pola so interpretación de Adrian Moore, el sexualmente confundíu fíu adoptivu de Ava Moore (Famke Janssen) na serie de FX, Nip/Tuck. Dichu arcu argumental llogró muncha atención pola so rellación emocionalmente abusiva y incestuosa.^[7]

Mientres la temporada 2010-2011, Gabel apaeció na serie de Fox, Fringe como Lincoln Lee, un personaxe secundariu que ye miembru de la División Fringe nel universu alternativu. Mientres la tercer temporada de la serie, Seth empezó a apaecer nun papel más recurrente por cuenta de la introducción del so personaxe nel universu principal. Foi xubíu al repartu principal de la cuarta temporada,^[8] sicasí, el so personaxe sume de la historia a la fin de la mesma pa faer una curtia apaición mientres la temporada final.

El 13 payares de 2012, dar a conocer que foi contratáu pa interpretar un personaxe basáu nel Conde Vértigu,^[9] mientres la primer temporada de la serie de The CW, Arrow. El 15 d'ochobre de 2013, Andrew Kreisberg cocreador y productor executivu de la serie confirmó'l regresu de Seth pa la segunda temporada.^[10]

Filmografía

Cine
Añu	Títulu	Rol	Notes
2000	Tadpole	Mike	Ensin acreitar
2006	The Da Vinci Code	Michael
2008	Good Dick	Kissing Man
2009	Jerry	Amigu de Jerry #2	Curtiumetraxe
2010	Jonah Hex
2011	Take Me Home Tonight	Brent Tufford
2012	Allegiance	Teniente Danny Sefton	(Orixinalmente titulada Recalled)
2014	Forever	Luke	post-producción
Televisión
Añu	Títulu	Rol	Notes
2002	100 Centre Street	James Bass	Episodiu: "It's About Love"
	Sex and the City	Sweet Young Sailor	Episodiu: "Anchors Away"
2003	The Lyon's Dean	Beau Van Hessche	Episodiu: "Beach House"
2004	The Division	Mikhail Ominsky	Episodiu: "Acts of Desperation"
	Nip/Tuck	Adrian Moore	Personaxe recurrente, 5 episodios
	CSI: Crime Scene Investigation	Gavin "Rex" Layne	Episodiu: "Formalities"
2005	Law & Order: Special Victims Unit	Garrett Perle	Episodiu: "Game"
	The Closer	Nikolai Koslov	Episodiu: "The Big Picture"
2006	Beyond	David Wuhlman	Película pa televisión
2007-2009	Dirty Sexy Money	Jeremy Darling	Repartu principal
2010	CSI: Crime Scene Investigation	Larry Colton	Episodiu: "Unshockable"
	United States of Tara	Zach	Personaxe recurrente 4 episodios
2010-2013	Fringe	Repartu recurrente (temporaes 2,3 y 5) Repartu principal (temporada 4)
2013	Arrow	Episodios: "Vertigo" "Unfineshed Business" "State v. Queen"
	Ironside	Buddy Rovner	1 episodiu
2014	Salem	Cotton Mather	Repartu principal