Sama (Llangréu)

Sama^[2] ye una parroquia del conceyu asturianu de Llangréu. Asitiada na fastera meridional del mesmu, llenda cola parroquia de La Felguera al norte y nordeste, cola de Lada al oeste, cola de Ciañu al sur y col conceyu de Samartín del Rei Aurelio al oeste. La so parte urbana conforma el distritu de Sama, ún de los seis qu'integren la ciudá de Llangréu. Aparte d'ella, abarca los nucleos de población que vienen darréu: Artosa, La Cabaña, El Cabañín, La Cantera, Los Cuarteles de la Güeria, Costadarcu, El Felguerosu, La Güeria, Les Yanes, El Maeral, La Peña, La Raposa, Rondera, Ronderina, La Sienra, El Valle, Cuetos, La Foyaca, La Ḥuecara, Pertegal, Les Pieces, El Pontón, El Prau l'Americanu, El Ponticu y Xarrota. La estensión de la parroquia, que la so ilesia ta dedicada a Santiagu, ye de 5,47 km², y la so población, sacante los habitantes del distritu urbanu, qu'apaecen nes estadístiques axuntaos a los de los otros distritos, ye de 341 habitantes (2020)^[3].

Sama
Alministración
País	España
Autonomía	Principáu d'Asturies
Provincia	provincia d'Asturies
Conceyu	Llangréu
Partíu xudicial	Llangréu
Tipu d'entidá	parroquia d'Asturies
Xeografía
Coordenaes	43°17′34″N 5°40′48″W
Sama Sama (Asturies)
Altitú	214 m[1]
Llenda con	La Felguera, Lada, Ciañu y San Andrés de Llinares
Demografía
Población	341 hab. (2020)
Porcentaxe	0.9% de Llangréu
Más información
Estaya horaria	UTC+01:00

El mercáu celébrase los llunes, y el principal nucleu comercial ye la cai Dorado. A orielles del ríu Nalón ta allugáu'l Parque Dorado, de planta asemeyada a tolos de la cuenca del Nalón. La ilesia cabezalera de parroquia ye d'estilu neogóticu, reconstruyida depués de la Revolución de 1934 con inscripción "Cayíos por Dios y por España"; esto resulta estraño dada la natura revolucionaria qu'acompañó a estes tierres en dellos asocedimientos pasaos. En dalgunes de les sos muries puen vese pintaes de la mena: "Mines a cielu abiertu NON", per aciu de la tradición minera, deficitaria na rexón, que riquió la intervención estatal pal caltenese, con bien de protestes, paros, güelgues y revueltes.

Sama abeya anguaño la Casa'l Conceyu de Llangréu y ye'l segundu nucleu de población del Valle del Nalón. Les sos fiestes son: Santiago (xunetu), Los Güevos Pintos (Pascua) y San Xuan (xunu, nel barriu La Llera).

Llocalidaes

Nᵘ	Nome	Población	% población Sama (Llangréu)
1	Artosa		n/d
2	Carabín		n/d
3	Costadarcu		n/d
4	Cuetos		n/d
5	El Cabañín		n/d
6	El Felguerosu		n/d
7	El Maeral		n/d
8	El Valle		n/d
9	La Cabaña		n/d
10	La Cantera		n/d
11	La Casuca		n/d
12	La Güeria		n/d
13	La Peña		n/d
14	La Raposa		n/d
15	La Sienra		n/d
16	Les Yanes		n/d
17	Los Cuarteles de la Güeria		n/d
18	Rondera		n/d
19	Ronderina		n/d

Sitios

• El Pontón
• El Prau l'Americanu
• El Punticu
• La Foyaca
• La Ḥuécara
• Les Pieces
• Pertegal
• Sama
• Xarrota

Semeyes

• 
  Casa'l conceyu
• 
  Ilesia de Santiagu
• 
  Centru Cultural Municipal 'Escueles Dorado'
• 
  La Ilesia de Santiagu (centru) y l'edificiu de la Sociedá La Montera (derecha) dende'l Parque Dorado

Edificios d'interés

• Casa del Conceyu
• Ilesia de Santiago
• Edificiu Banco Herrero
• Casa Cuca
• Edificiu de La Montera
• Antigües escueles Dorado (Casa de la Cultura)

Bibliografía

• Espediente colos topónimos oficiales de Llangréu Archiváu 2016-03-04 en Wayback Machine
• VV.AA., Diccionario geográfico de Asturias. Editorial Prensa Asturiana, Uviéu, 2000.

Referencies

1. Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
2. «Espediente colos topónimos oficiales de Llangréu». BOPA.
3. Afirmao en: Nomenclátor Geográfico de Municipios y Entidades de Población. Data de consulta: 23 xunu 2020. Autor: Institutu Xeográficu Nacional d'España. Editorial: Institutu Xeográficu Nacional d'España. Llingua de la obra o nome: gallegu. Data d'espublización: 22 mayu 2019.

Enllaces esternos

• Wikimedia Commons acueye conteníu multimedia sobre Sama.

	Parroquies de Llangréu
Barros | Ciañu | Lada | La Felguera | Riañu | Sama | Tiuya | La Venta

• Datos: Q3775049
• Multimedia: Sama (Langreo)