Rhythmbox

Rhythmbox ye un reproductor d'audiu que reproduz y aida a organizar la música dixital. Foi orixinalmente inspiráu pol reproductor d'Apple, iTunes. Ye software llibre, diseñáu pa trabayar bien baxo l'escritoriu GNOME, polo que vien por defeutu na suite de programes d'Ubuntu, y usa'l motor GStreamer o Xine Media. Anguaño ta baxo desendolcu activu.

Rhythmbox

Versión inicial	2001
Última versión	3.4.7 (versión estable, 16 abril 2023)
Escritu en	Llinguaxe de programación C y Python (es)
Sistema operativu	Linux
Tipu	reproductor de audio (es) y software llibre
Llicencia	GNU General Public License, versión 2.0 o posterior (es)
N'asturianu	Sí (con Ubuntu)
Más información
Sitiu web	Web oficial
Códigu fonte	Códigu fonte

Ta disponible en Llingua asturiana

Carauterístiques

Rhythmbox ufre un xorreciente númberu de carauterístiques, incluyendo les siguientes:

Reproducción de música

Permite la reproducción d'una gran variedá de fontes de música dixital. La miente más avezada de reproducción ye que la música tea atroxada llocalmente como ficheros nel equipu, la fonoteca. Rhythmbox tamién almite fluxos de radio (stream) a traviés d'Internet. Ye compatible tamién col estándar Replay Gain.

Tien la posibilidad de busca y ordenación de música na biblioteca. Puen criase llistes de reproducción p'agrupar y ordenar música. Los usuarios puen criar tamién llistes de reproducción intelixentes, que son aquelles que son actualizaes automáticamente (como una consulta de base de datos) basáu nuna regla adautable a traviés d'un criteriu de seleición más qu'una llista arbitraria de canciones. Dispón del mou de reproducción al debalu o repetíu.

Permítese la puntuación de canciones y úsase nel algoritmu de baraxáu (el mou al debalu) pa que reproduzca más davezu les canciones meyor puntues. Opcionalmente permítese la puntuación automática.

Importación de música

• Copia a traviés de CD (requier el paquete opcional Sound Juicer).
• Compatibilidá completa con formatos d'audiu a traviés de GStreamer.
• Compatibilidá con iPod (esperimental).

Grabación a CD d'Audiu

A partir de la versión 0,9 inclúise l'habilidá de criar CDs d'audiu a partir de llistes de reproducción.

Integración

Rhythmbox foi integráu con un altu númberu de programes esternos, servicios y preseos como los siguientes:

• Integración nel menú de contestu de Nautilus (non activu por defeutu na versión 0.8.8).
• XChat, vía un plugin de XChat.
• Pidgin-Rhythmbox actualiza automáticamente el perfil d'usuariu Gaim con detáis sobro la canción que ta ascuchando.
• Rhythmbox Applet, un applet del panel GNOME que da la posibilidá de remanar la reproducción dientro del panel.
• Shuffle, un gDesklet.
• Rhythmlet, otru gDesklet que recueye la información d'un álbum llocalmente o a traviés d'Amazon.com, tien una visualización configurable de cadenes, control de reproducción, puntuaciones editables y una barra de gueta.
• SideCandyRhythmbox, un control de Rhythmbox basáu en gDesklet y un visualizador SideCandy.
• Rhythmbox XSLT permite que la biblioteca de música seya adicada como una páxina web.
• Drivel introduz el nome de la canción que Rhytmbox ta reproduciendo nuna entrada de blog LiveJournal.
• Rhythmbox Tune Publisher asoleya la canción que ta ascuchando agora en Jabber a traviés del protocolu User Tune (usáu pol Jabber World Map).
• Blue Remote permite trabayar a Rhythmbox con un teléfonu con Bluetooth integráu.
• FoxyTunes, una estensión de Mozilla Firefox que dexa remanar la reproducción dientro del ñavegador web.

Ver tamién

• VLC media player
• Banshee
• Amarok
• Totem
• Audacious Media Player
• Last.fm
• Listen
• Exaile
• Decibel Audio Player

Suite programes/aplicaciones oficiales d'Ubuntu
Firefox | Evolution | LibreOffice | Gimp | Pidgin | Totem | gedit | Evince | Rhythmbox | File Roller | Ekiga | Brasero | Transmission | Synaptic | Vinagre | Gparted | Xsane | Eye of GNOME | Nautilus | F-Spot | Sound Juicer

Referencies

Enllaces esternos

• Sitiu web oficial
• Un plugin d'alarma pal Rhythmbox

• Datos: Q319897
• Multimedia: Rhythmbox