El redactor ye la persona que desenvuelve un conteníu escrito productu d'un raciociniu; un escritor, un profesional d'esta tema, que toma en cuenta todos los requisitos de la escritura y de la composición correuta. En contestos periodos, ye una categoría profesional dientro de los medios de comunicación y d'espardimientu.
Etimológicamente, redactar (del llatín redactum, supino de redigĕre), significa compilar les idees nun testu.[1][2] Nun sentíu más precisu consiste n'espresar por escritu los pensamientos o conocencies ordenaes con anterioridá.
Amás, redaición ye l'aición d'escribir correutamente argumentando una serie d'idees o pensamientos qu'amás de tener rellación ente sí, tienen una respeutiva socesión pa llegar a una conclusión final o desenllaz.
Los trés fundamentos de la redaición básicos son:
- Correición.
- Adautación.
- Eficacia.
La correición asegura qu'un testu tea preparáu pa dar a entender el so oxetivu principal. Procura que al rematar tea correutamente escritu pa la comprensión del llector; esisten 4 tipos de correición:
- Ortográfica: Corrixe errores d'escritura, errores de deu, falta de pallabres o lletres, procura correuta escritura de la pallabra y corrixe puntuación.
- Morfolóxica: Corrixe tolo que tien que ver con accidentes gramaticales (el tiempu, el númberu y el xéneru).
- Correición sintáctica: Corrixe la coherencia del testu y asegúrase que'l llector entienda l'escritu según la intención del redactor.
- Correición léxicu-semántica: Procura que les pallabres utilizaes nel testu concuerden cola tema, la intención o oxetivu d'escritura.
L'adautación procura que'l testu sía fayadizu pal públicu según el mediu de comunicación a utilizar. L'oxetivu de redaición va depender del nivel socioeconómicu, edá y cultura de dichos públicos escoyíos.
La eficacia asegurase de que'l testu funcione, cumpla'l so propósitu y nel casu de la redaición publicitaria: que vienda. Esti caberu elementu ye'l más importante na redaición yá que si'l testu nun ye eficaz nun va cumplir el so cometíu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
