Rano Kau

Rano Kau ye un volcán estintu que forma'l puexu suroeste de la Islla de Pascua, una islla chilena nel océanu Pacíficu. Formóse a partir de fluxos de lava basáltica nel pleistocenu, y les sos roques más nueves daten de fai ente 150.000 y 210.000 años.^[1]

Rano Kau
volcán en escudo (es)
Situación
País	Chile
Rexón	Rexón de Valparaíso
Provincia	Provincia d'Islla de Pascua
Comuña	Comuña d'Islla de Pascua
Coordenaes	27°11′S 109°26′W
Rano Kau Rano Kau (Océanu Pacíficu)
Datos
Altitú	320 m y 54 m

Descripción

Nel estremu sudoeste de la Islla de Pascua, frente a l'aldega ceremonial de Orongo asitiada nel cantu del volcán Rano Kau, atópense trés pequeños castros moldiaos pola erosión del vientu y les corrientes marines que reciben los nomes de Motu Nui, Motu Iti y Motu Kao Kao. Por cuenta del so pequeñu tamañu y al so difícil accesu, los motus nun tán habitaos por seres humanos pero acueyen a una gran cantidá d'aves y otres especies de fauna marina.

La depresión interior de Rano Kau correspuende a una caldera volcánica de 1,5 km de diámetru y nel so interior atópase una llaguna, a unos 250 metros de fondura, terminando una rimada bastante pronunciada . Na llaguna esisten pequenes islles de totora y una abondosa vexetación y microfauna. Na parte cimera del cráter, nel estremu suroeste, esiste una quebra conocida como Kari-Kari.

Cerca del cantu más angostu y nel estremu oeste del volcán, ta la l'aldea ceremonial d'Orongo, conformada por 50 cases de piedra de forma elíptica qu'ufierten una perfecta visión de los trés castros qu'hai frente al Rano Kau. Esta aldega yera habitada solamente nos díes que precedíen a la ceremonia del Home Páxaru o Tangata Manu que celebróse hasta finales del sieglu xix.

Llagu del cráter de Rano Kau, con Orongo a la derecha.

Ver tamién

• Islla de Pascua