From Wikipedia, the free encyclopedia
N'óptica, un prisma ye un oxetu capaz de refractar, reflexar y descomponer na lluz nos colores del arcu la vieya. Estos oxetos avecen a tener la forma d'un prisma triangular, y ye d'ehí d'aú-yos vien en nome. En xeometría, un prisma ye un poliedru llimitáu por dos polígonos iguales y paralelos, nomaos bases, y varios paralelogramos nomaos cares llaterales.
| Prisma | |
|---|---|
componente óptico (es)  | |
 | |
 |
Acordies cola llei de Snell, cuando la lluz pasa del aire al vidru del prisma amenorga la so velocidá, y la so trayeutoria esvíase formando un ángulu con respectu a la interfase. Como consecuencia d'ello la lluz refléxase o refráctase. L'ángulu d'incidencia del rayu de lluz y los índices de refracción del prisma y l'aire determinen la cantidá de lluz que será reflexada y la que será refractada, o tamién si va pasar esclusivamente una de les dos coses.
Los prismes dispersivos úsense pa romper la lluz nos sos colores espectrales constituyentes. Llógrenlo porque l'índiz de refracción depende de la frecuencia: la lluz blanco qu'entra nel prisma ye un amiestu de diferentes frecuencies, caúna de les cuales dóblase de forma llixeramente distinta. Asina, la lluz azul enllentece'l so pasu más que la roxa, y asina doblase más qu'ella. Ente los tipos de prismes dispersivos tenemos, ente más otros, el prisma triangular, el prisma d'Abbe, el prisma de Pellin-Broca, el prisma d'Amici y el prisma compuestu.
Los prismes reflectivos úsense pa reflexar la lluz col oxetivu de voltear, invertir, rotar, esviar o desplazar el rayu de lluz. Un usu típicu d'ellos ye la de voltear la imaxe, qu'ensin los prismes veríemos al traviés d'ellos cabeza abaxu, nos prismáticos y nes cámares fotográfiques reflex de llente única. Munchos prismes reflectivos usen una reflexión interna total p'algamar una alta reflexividá. Los más comunes son el prisma de Porro, el prisma de Porro-Abbe, el prisma de techu d'Amici, el pentaprisma, el pentaprisma de techu, el prisma d'Abbe-Koenig, el prisma de Schmidt-Pechan, el prisma de Bauernfeind, el prisma de Dobe y el prisma retroreflector.
Hai, tamién, dellos prismes reflectivos que son utilizaos pa dixebrar un rayu en dos o más. Son el prisma dicroicu y el cubu dixebrador de rayos.
Los prismes polarizantes ruempen un rayu de lluz en componentes de polarización variable. Avecen a tar construyíos de material birrefrinxente cristalinu y son, ente más otros, el prisma de Nicol, el prisma de Wollaston, el prisma de Nomarski (una variante del anterior más afayaízu pal so usu en microscopía), el prisma de Rochon, el prisma de Sénarmont, el prisma de Glan-Foucault, el prima de Glan-Taylor y el prisma de Glan-Thompson.
René Descartes tenía observao que la lluz separtábase nos colores del arcu la vieya al travesar vidru o agua, magar que nun se conocía la fonte d'esi color. L'esperimentu d'Isaac Newton de 1666, que demostró la esviación de la lluz blanco al traviés d'un prisma, fizo evidente que tolos colores coesistíen na lluz, y qu'había estremaos "fotón|corpúsculos" de color que s'abríen y viaxaben con diferentes velocidaes al traviés del prisma. Seríen Thomas Young y Augustin Fresnel, posteriormente, los que combinaríen la teoría de les partícules de Newton cola teoría d'ondes de Huygens pa esplicar cómo surde'l color del espectru de la lluz.
Newton llegó a la so conclusión faciendo pasar el color roxu d'un prisma al traviés d'un segundu prisma, encontrando al facelo que'l color nun cambiaba. D'esto deduxo que los colores teníen que tar presentes na lluz incidente, esto ye, que'l prisma nun crea colores, sinón que namái separtaba colores que yá taben ehí previamente. Usó tamién una llente y un segundu prisma pa recomponer l'espectru de lluz y volver a xuntalu pa formar una lluz blanco. Esti esperimentu ye ún de los que se consideren exemplos clásicos de la metodoloxía qu'entamó a implantase nel contestu de la nomada revolución científica.
Newton esplicó con gran detalle la dispersión de la lluz nos prismes nel so llibru "Óptica", nel que describió tamién l'usu de más d'un prisma pa controlar la dispersión. La so descripción de los esperimentos que ficiera yera cualitativa; la cuantitativa nun foi necesaria hasta que apaecieron los espansores de rayos láser de prisma múltiple na década del 1980.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
