From Wikipedia, the free encyclopedia
Powys ye una autoridá unitaria de Gales (Reinu Xuníu),[1][2] y tamién un condáu calteníu. Foi establecíu pola división alministrativa'l 1 d'abril de 1974. Foi formáu polos antiguos condaos de Montgomeryshire y Radnorshire, añadíu a la mayoría del condáu de Brecknockshire y un pocu del antiguu Denbighshire. La so fronteres correspuéndense aproximadamentre coles del reinu de Powys medieval. Ye l'únicu condáu calteníu que nun s'estremó en 1994, y tamién el más grande nel país.
| |||
| Mapa | |||
|---|---|---|---|
 | |||
| Información | |||
| Rexón | .svg){kind=small} Gales | ||
| Superficie | 5.196 km² | ||
| Población | 130.700 (1999) | ||
| Densidá | 25 h/km² | ||
| Capital | Llandrindod Wells | ||
| Páxina oficial | |||
Como condáu calteníu, llinda al norte con Clwyd, al noroeste con Gwynedd, al oeste con Dyfed, al suroeste con Glamorgan del Oeste, al sur con Mid Glamorgan y al sureste con Gwent. Coles nueves árees principales, tien fronteres al norte con Wrexham County Borough y Denbighshire, al noroeste con Gwynedd , al oeste con Ceredigion y Carmarthenshire, al sur con Neath-Port Talbot, Merthyr Tydfil, Caerphilly y Blaenau Gwent, y al sureste con Monmouthshire . Llinda tamién colos condaos ingleses de Shropshire y Herefordshire.
La capital de Powys ye Llandrindod Wells, pero la so llocalidá más grande ye Newtown. La población en Powys foi envaloráu en 2010 como 131.000, la unidecimá más grande en Gales. La densidá de 25 per quilómetru cuadro ye la más pequeña en Gales. Solamente 30,1% de Powys puede falar, escribir o lleer el idioma galés.
Enforma del condáu ye montascosu y por eso ye difícil a conducir del norte al sur. El ríu Severn, el ríu más llargu del Reinu Xuníu, empieza nel condáu vecín de Ceredigion pero cuerre nunes llocalidaes de Powys: Llanidloes, Caersws, Newtown y Welshpool. El ríu Wye, el quintu ríu más llargu, cuerre en Rhayader y Builth Wells, y Hai on Wye lleva'l so nome. El decimosestu ríu más llargu del país, el ríu Tarrez, empieza en Powys y cuerre en Knighton. Más al sur hai'l ríu Usk en Brecon. Munchos de los ríos tien depósitos cerca de les sos fontes, pa suministrar enerxía a unes ciudaes grandes n'Inglaterra del oeste y Gales del sur. L'únicu parque nacional en Powys ye los Brecon Beacons nel sur.
L'escudu del condáu ye principalmente negru (significa los Montes Negros) y oru (significa minería y la riqueza del condáu). Hai tres fuentes, heráldicos que signifiquen los ríos y llagos. Enriba l'escudu hai una torre negra que significa la hestoria militaría de Powys. Un milvus milvus tien losanges negres que signifiquen minería pa carbón, y una pieza de llana dorao que significa cría d'oveyes. El lema Powys Paradwys Cymru significa <<Powys, Paraísu de Galés>> nel idioma galés.[3]
Dende l'avientu de 2007, el condáu tien un Sellu de comerciu xustu.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
