From Wikipedia, the free encyclopedia
Pinkwashing (llaváu rosa o llaváu d'imaxe rosa) ye un préstamu llingüísticu (del inglés pink, rosa, y whitewash, blanquiar o tapar) pa referise, nel contestu de los derechos LGBT, a la variedá d'estratexes polítiques y de márquetin dirixíes a la promoción d'instituciones, países, persones, productos o empreses apelando a la so condición de simpatizante LGBT coles mires de ser percibíos como progresistes, modernos y tolerantes.[1][2][3]
La espresión ye especialmente utilizada por dellos sectores pa referise a un supuestu llaváu d'imaxe del Estáu d'Israel que, promocionando a la so población LGBTI, resalva la violación sistemática de los Derechos Humanos de la población palestina según la opinión de delles fontes[4][5], anque na práctica los árabes israelinos gocien de tolos derechos democráticos [6] y prefieren siguir viviendo nel Estáu d'Israel primero qu'emigrar a cualesquier otru país musulmán.[7] Al traviés de proyeutar l'apariencia de ser un territoriu gay-friendly, la población LGBTI puede llegar a sentise identificada coles posiciones polítiques del Estáu (homonacionalismu), participar de la islamofobia institucionalizada al considerar que la población musulmana ye necesariamente homófoba o resalvar la discriminación sufierta nel so propiu país.[8][9]
El términu foi orixinalmente acuñáu pola Breast Cancer Action pa identificar a les empreses qu'aseguraben sofitar a les muyeres con cáncer de mama, ente qu'en realidá pretendíen llograr mayores beneficios y ameyorar el so imaxe de marca al incorporar al so publicidá una causa benéfica.[10][11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
