Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Phylloscopus fuscatus | ||
---|---|---|
Estáu de caltenimientu | ||
Esmolición menor (IUCN 3.1)[1] | ||
Clasificación científica | ||
Reinu: | Animalia | |
Filu: | Chordata | |
Clas: | Aves | |
Orde: | Passeriformes | |
Familia: | Phylloscopidae | |
Xéneru: | Phylloscopus | |
Especie: |
P. fuscatus (Blyth, 1842) | |
Consultes | ||
[editar datos en Wikidata] |
El mosquiteru aveséu (Phylloscopus fuscatus)[2] ye una especie d'ave paseriforme de la familia Phylloscopidae que vive nel este d'Asia.
Descripción
Tien un tamañu y forma asemeyáu al mosquiteru común, con un llargor mediu ente los 12 y 12,5 cm. Les sos partes cimeres son de color pardu buxu ensin veteáu y les inferiores son ablancazaes. Presenta una destacada llista superciliar ablancazada y una llista ocular daqué más escura que'l restu de la cara. El so picu ye finu y apuntiáu col quexal cimeru gris y l'inferior ablancazáu. Los dos sexos tienen un aspeutu asemeyáu, pero los inmaduros tienen les partes inferiores de tonos verdosos.
Distribución y hábitat
Ye un ave migratoria de llarga distancia que cría en Siberia (dende l'oeste de los montes Altái hasta Kamchatka), Mongolia, Corea del Norte, l'interior de China y estremu oriental de Kazakstán; y muévese al sur pa pasar l'iviernu nel sureste asiáticu, el sur de China y l'este del subcontinente indiu. Suel apaecer como divagante n'Europa y América del Norte.
El so hábitat natural ye'l monte baxu abiertu y les praderíes húmedes, xeneralmente cerca de mases d'agua como los banzaos y ríos, anque pasa l'iviernu nes selves de tierra baxes y los manglares.
Comportamientu
Son principalmente insectivoros, anque pueden complementar la so dieta con pequeñes cantidaes de materia vexetal como les bagues. Añera nes carbes baxes, y suel poner ente 5-6 güevos.
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.