Perlavia

Perlavia^[1] ye un llugar^[2] de la parroquia de Trubia, nel conceyu asturianu d'Uviéu. Según un estudiu de la Conceyalía d'Urbanismu del Conceyu d'Uviéu ye'l segundu pueblu meyor conserváu del conceyu^[3].

Perlavia
Alministración
País	España
Autonomía	Principáu d'Asturies
Provincia	provincia d'Asturies
Conceyu	Uviéu
Parroquia	Trubia
Partíu xudicial	Uviéu
Tipu d'entidá	llugar
Códigu postal	33119
Xeografía
Coordenaes	43°19′21″N 6°00′16″W
Perlavia Perlavia (Asturies)
Altitú	370 m
Demografía
Población	56 hab. (2021) - 23 homes (2020) - 29 muyeres (2020)
Porcentaxe	3.02% de Trubia
Viviendes	33 (2001)
Más información
Estaya horaria	UTC+01:00

Ta a 14,9 km d'Uviéu, na fastera izquierda del valle del Trubia, a una altitú que varía ente los 370 y los 410 metros^[4]. Llégase a él per una esviadura na carretera AS-313. Per debaxu del pueblu alcuéntrense terrenos pa cultivos.

Cuenta con una población de 56 hab. (2021)^[5], qu'habiten en cases de arquiteutura tradicional, algunes d'elles con escaleres esteriores y corredores. Tamién se puen alcontrar varios hórreos bien conservaos, con talles y relieves artísticos.

Tien una ermita dedicada a San Antonio que dende 2018 apaez nel Inventariu del Patrimoniu Cultural d'Asturies^[6]. Tamién cuenta con un centru social públicu nes antigües escueles^[7], peslláu dende la pandemia de COVID-19.

Pel pueblu pasa la ruta del osu (nun confundir cola sienda del osu), que va de San Andrés a Trubia pasando per Guanga.

Orixe del nome

Se cree que'l nome vien de per illam apiam, que significa xunto al abia, xunto al ríu^[8].

Demografía

Añu	2000	2001	2002	2003	2004	2005	2006	2007	2008	2009	2010	2011	2012	2013	2014	2015	2016	2017	2018	2019	2020
Pob.	63	65	57	55	53	51	49	56	58	57	57	58	58	57	55	56	58	50	54	54	52

Gráfica d'evolución demográfica de Perlavia ente 2000 y 2020 Datos según el padrón publicáu pol INE.[9]

Referencies

1. «Espediente colos topónimos oficiales d'Uviéu». BOPA.
2. «SADEI: Noménclator d'entidaes del Principáu d'Asturies» (en castellanu).
3. «Perlavia, el segundo pueblo mejor conservado del concejo de Oviedo» (en castellanu). Consultáu'l 20 de xineru de 2021.
4. (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
5. Padrón municipal d'España de 2021
6. «[https://web.archive.org/web/20240104105302/https://www.asturias.es/documents/217090/2538140/20231222-IPCA_Asturias.pdf/0290004e-9597-1e5c-0eb4-e6494268c4af?t=1703236442672 ELEMENTOS INCLUIDOS EN EL INVENTARIO DEL PATRIMONIO CULTURAL DE ASTURIAS MEDIANTE RESOLUCIÓN]» (castellanu). Archiváu dende l'orixinal, el 2024-01-04. Consultáu'l 4 de xineru de 2024.
7. «Centro social de Perlavia» (en castellán). Consultáu'l 20 de xineru de 2021.
8. "Toponimia asturiana: El porqué de los nombres de nuestros pueblos", Xosé Lluis García Arias, Editorial Prensa Asturiana SA, Oviedo, 2005. ISBN 84-87730-78-7
9. Padrón municipal d'España

Enllaces esternos

• Wikimedia Commons acueye conteníu multimedia sobre Perlavia.
• Programa Pueblos de la RTPA dedicáu a Perlavia

• Datos: Q11205229
• Multimedia: Perlavia