Nueva Brunswick

Nueva Brunswick, n'inglés New Brunswick, en francés Nouveau-Brunswick, ye una de les diez provincies de Canadá. Tien una superficie total de 71.355 km², aproximadamente siete vegaes el tamañu d'Asturies. Según el censu canadián de 2006 tien 729.997 habitantes. Cuasi un terciu de la población tien el francés como llingua materna, mentantu que los dos tercios restantes falen inglés. Ye la única de toles provincies canadianes oficialmente billingüe. Forma parte de les nomaes Provincies Atlántiques de Canadá xunto con Nueva Escocia, Terranova y Llabrador y la Islla Príncipe Dubardu. La capital de Nueva Brunswick ye Fredericton y les ciudaes más grandes son Moncton, Fredericton y Saint-Jean. La ciudá francófona más grande fuera de la provincia de Quebec ye Edmundston.

Nueva Brunswick
Bandera de Nuevo Brunswick (es) Escudo de Nuevo Brunswick (es)
Alministración
País	Canadá
Tipu d'entidá	provincia del Canadá
Premier of New Brunswick (en)	Susan Holt
Nome oficial	New Brunswick (en)[1] Nouveau-Brunswick (fr)[1]
Nome llocal	New Brunswick (en) Nouveau-Brunswick (fr)
Códigu postal	E
Xeografía
Coordenaes	46°36′N 66°00′W
Nueva Brunswick Nueva Brunswick (Canadá)
Superficie	72908 km²
Llenda con	Maine, Quebec, Nueva Escocia y Islla Príncipe Dubardu
Demografía
Población	775 610 hab. (2021)
Porcentaxe	2.1% de Canadá
Densidá	10,64 hab/km²
Más información
Fundación	1r xunetu 1867
Estaya horaria	Tiempo del Atlántico (es)
gnb.ca

Nueva Brunswick llenda al oeste y el norte con Quebec, al este con Nueva Escocia, y al sur col estáu norteamericanu de Maine.

La mayor parte de la provincia ta cubierta de viesques siendo la silvicultura una de les actividaes económiques más importantes. De fechu, la provincia ye un de los mayores productores de papel de Canadá. Otres actividaes destacaes son les manofactures, el turismu, la minería y la pesca.

Nome

El nome de la provincia foi puestu n'honor al rei Xurde III (1738-1820) del Reinu Xuníu, caberu rei de Cá Brunswick.

Historia

Mapa de Nueva Brunswick.

La provincia foi colonizada nun entamu polos franceses, y formaba parte de la colonia francesa d'Acadia, dientro de la Nueva Francia. Nel añu 1763 col Tratáu de París, los franceses cedieron la rexón a los británicos, que la renomaren col nome d'anguaño.

Nun entamu la población europea de la provincia yera mayoritarimente d'orixe frances pero cola dixebra de les trelce colonies suriegues del Emperiu Británicu nel 1776 hasta 14.000 colonos anglofalantes lleales a la Corona británica aportaron, camudando dafechu la composición étnica y cultural del país. Dende entoncies conociósela como The Loyalist Province (La Provincia Lleal).

L'un de xunetu de 1867, Nueva Brunswick, xunto con Nueva Escocia y la provincia de Canadá (anguaño xebrada ente Ontario y Quebec), independizose del Reinu Xuníu. Poro, ta considerada, xunto coles otres, una de les provincies orixinales de la Confederación Canadiana.