NGC 1277

NGC 1277 ye una galaxa espiral alcontrada na constelación de Perséu. Ta asitiada a aproximao 220 millones d'años lluz de distancia de la Vía Lláctea, y ye meyor conocida por contener un furacu prietu supermasivu.

NGC 1277 Enigma HE-Rn-And-Ez
Datos d'observación (dómina J2000.0)
Tipu	Galaxa lenticular
Ascensión reuta	03h 19m 51.5s
Declinación	41° 34' 25"
Magnitú aparente (V)	14,7
Constelación	Perseus
Socesión de galaxes
NGC 1276 NGC 1277 Enigma HE-Rn-And-Ez NGC 1278
[editar datos en Wikidata]

NGC 1277 foi dada a conocer primeramente dempués de les observaciones realizaes n'Irlanda per parte de Lawrence Parsons el 4 d'avientu de 1875. El 28 de payares de 2012 dellos astrónomos rellacionaos col Institutu d'Astronomía Max Planck d'Alemaña, qu'utilizaron el Telescopiu Hobby-Eberly nel Observatoriu McDonald en Texas, informaron el descubrimientu d'un furacu prietu supermasivu nel centru de la galaxa espiral. Indícase que'l furacu prietu tien una masa equivalente a 17 mil millones de soles, equivalente al 14% del total de masa estelar de la galaxa. Estes proporciones nun tán dafechu acordies colos modelos esistentes d'evolución galáctica, ya indiquen la posible esistencia d'un modelu alternativu que pueda incluyir furacos prietos de masa mayor que los reparaos primeramente.

En 2013 investigadores españoles del Institutu d'Astrofísica de Canaries afayaron que la galaxa NGC 1277 caltién inda les carauterístiques que yeren comunes nel universu primitivu, a una edá d'aproximao 2.000 millones d'años. Especúlase que quedó aisllada de la so redolada, ensin contautu con fontes de gas o estrelles adicionales que la alteriaren. Les observaciones llevar a cabu col telescopiu espacial Hubble y el William Herschel, perteneciente al Observatoriu del Roque de los Muchachos na islla de La Palma.^[1]

Referencies

1. «Astrofísicos españoles afayen una galaxa detenida nel tiempu editorial= ABC.es» (castellanu) (9 d'avientu de 2013). Consultáu'l 9 d'avientu de 2013.

Enllaces esternos

• Datos: Q618632
• Multimedia: NGC 1277