Miriam Seegar Whelan (1 de setiembre de 1907, Greentown (es) – 2 de xineru de 2011, Pasadena) foi una actriz d'Estaos Xuníos del periodu de cine mudu.
Miriam Seegar | |
---|---|
Vida | |
Nacimientu | Greentown (es) , 1 de setiembre de 1907[1] |
Nacionalidá | Estaos Xuníos |
Llingua materna | inglés |
Muerte | Pasadena, 2 de xineru de 2011[2] (103 años) |
Sepultura | Cementeriu de Holy Cross |
Familia | |
Casada con | Tim Whelan ( – 1957) |
Hermanos/es | Sara Seegar |
Estudios | |
Llingües falaes | inglés |
Oficiu | actriz, actriz de cine, decoradora |
IMDb | nm0781502 |
Biografía
Nacida na ciudá Greentown, en Indiana, dende la so adolescencia foi atraida pel mediu artísticu y presentóse xunto a otros intérpretes por diversu sitios.[3] Fixo'l so debút cinematográficu en 1928; la so primer película foi The Price of Divorce, na qu'actuó xunto a Frances Day y Rex Maurice. El filme nunca foi presentáu como tal, pero foi afechu con soníu y estrenáu dos años más tarde col títulu de Such Is the Law. Nel mesmu añu, interpretó un papel con carauterístiques de lideralgu en Valley of the Ghosts. Mientres 1929 actuó en cuatro películes y en 1930, en seis producciones, incluyendo New Movietone Follies of 1930 y The Dawn Trail que fueron siguíes por un filme occidental de Buck Jones. Ente 1931 y 1932 fixo un total de seis películes (toes de clase B), retirándose por voluntá propia en 1933. Depués casóse col direutor Tim Whelan (fináu en 1957) y tuvo dos fíos; más tarde atopó trabayu como decoradora d'interiores en Los Angeles.[3]
En 2000, con 93 años, apaeció nel documental I Used to Be in Pictures, que motivó dellos comentarios de munchos de los sos pares. Alloñada de l'actividá artística, finó'l 2 de xineru de 2011 a la edá de 103 años por causa de motivos rellacionaos cola so avanzada edá na so residencia de Pasadena, según informó la so fía Harriet Whelan. Pa esi entós, yera una de les últimes sobrevivientes del cine mudu, etapa de la que solo queden los actores infantiles Mickey Rooney y Baby Peggy, l'actriz Barbara Kent y la guionista Frederica Sagor Maas (toos tienen ente 90 y 110 años).
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.