Michael Ironside
actor canadianu From Wikipedia, the free encyclopedia
Remove ads
Michael Ironside, nacíu como Frederick Reginald Ironside (12 de febreru de 1950, Toronto), ye un actor canadianu.[3] Tamién trabayó como productor, direutor y guionista en películes y en series de televisión, tanto canadienses como estauxunidenses. Ye meyor conocíu por interpretar papeles de villanos, o de "tipos duros", anque tamién interpretó personaxes simpáticos. Ironside ye un actor metódicu.[4] Ente los sos trabayos más bultables destaquen Top Gun, Starship Troopers, El maquinista, Terminator Salvation o X-Men: First Class. Nel territoriu de los videoxuegos ye más conocíu por doblar al personaxe Sam Fisher de la saga de xuegos Tom Clancy's Splinter Cell. Ente les sos películes más recién atópense Turbo Kid y Synchronicity (2015); Element y Alterscape, que estrenaríase en 2017.
.jpg)
Remove ads
Remove ads
Biografía
Comienzos
Ironside nació en Toronto, Ontario. Fíu de Patricia June Passmore, una ama de casa, y de Robert Walter Ironside, que trabayó de caltenimientu, como un téunicu de lluz de cais.[5] Ye'l medianu de cinco hermanos.[6] Asistió al colexu d'arte d'Ontario, en Toronto, onde escribió una obra teatral, The Shelter, a los quince años, ganando'l primer premiu nel concursu de la universidá.[7]
Carrera artística
Unade les sos primeres actuaciones foi na película Scanners, de David Cronenberg. Un reblincón foi la so participación na miniserie de televisión, V Invasión Estraterrestre, como Ham Tyler. Tamién se fixo conocíu por participar en Top Gun y en Total Recall. Dempués de participar na temporada inaugural de ER como'l Dr. William "Wild Willy" Swift (papel que volvería interpretar más tarde), foi riquíu pa reemplazar a Roy Scheider como capitán del submarín d'última teunoloxía, el SeaQuest, na tercer temporada de seaQuest DSV, asumiendo'l rol del Capitán Oliver Hudson. Sicasí, la NBC atayó la serie dempués de trenta episodios con Ironside como la estrella.
Ironside tamién ye reconocíu por emprestar la so voz. Actuó como la voz del icónico villanu de cómics Darkseid en Superman: La serie animada, y nel so spin-off Lliga de la Xusticia, recibiendo un gran aponderamientu por ello. Per otra parte da la casualidá de que tamién interpretó'l papel del padre de Lois Lane, el xeneral Sam Lane, en dos episodios de la serie Smallville.
Tamién trabayó interpretando voces en videoxuegos, como la de Sam Fisher en Splinter Cell, xunto al xuegu pa PSP Tom Clancy's Splinter Cell: Essentials, y nel repartu de Global Defense Initiative, como'l Teniente Xeneral Jack Granger en Command & Conquer 3: Tiberium Wars. Ironside apocayá robló un contratu de cinco años pa interpretar al Capitán Jonas Trager na serie de ciencia ficción Planeta de xelu.
N'internet estendió'l rumor de que Ironside tuvo ésitu como pulseador na so mocedá, fechu que desmintió nuna entrevista concedida en 2011 con motivu del Festival de Cine Fantásticu de Sitges a Chicken Troop. Lo que si ye ciertu ye que curiosamente perdió «» el so brazu esquierdu en dos películes, Starship Troopers y El maquinista, y los dos brazos nuna engarradiella col personaxe d'Arnold Schwarzenegger en Total Recall.
Vida personal
Ironside ta casáu con Karen Marls Dinwiddie. Michael y Karen tienen dos fíos, Adrienne Lynn Ironside (del matrimoniu anterior de Ironside) y Findlay Ironside, nacíu en 1998.[8]
Ironside sobrevivió dos veces al cáncer (de próstata y de tiroides).[9]
Remove ads
Filmografía
Cine
Televisión
Películes televisives
Doblaxe
Videoxuegos
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads