Max Weber

Maximilian Weber (21 d'abril de 1864, Erfurt – 14 de xunu de 1920, Munich) foi un economista y sociólogu alemán, consideráu ún de los fundadores del estudiu antipositivista de la socioloxía y de l'alministración pública. Los sos trabayos más importantes céntrense na socioloxía de la relixón y nel gobiernu, pero tamién escribió muncho d'economía.

Max Weber
Vida
Nacimientu	Erfurt[1], 21 d'abril de 1864[2]
Nacionalidá	Reinu de Prusia República de Weimar Imperiu alemán
Muerte	Munich[3], 14 de xunu de 1920[2] (56 años)
Sepultura	Bergfriedhof (en) [4]
Causa de la muerte	neumonía[5] Gripe Español[5]
Familia
Padre	Max Weber Sr.
Madre	Helene Sarah Julie Fallenstein
Casáu con	Marianne Weber [6]
Pareyes	Mina Tobler Else von Richthofen
Hermanos/es	Alfred Weber[7] Karl Weber[8]
Estudios
Estudios	Universidá de Heidelberg Kaiserin-Augusta-Gymnasium Universidá Humboldt de Berlín Universidá de Göttingen Universidá d'Estrasburgu
Direutor de tesis	Levin Goldschmidt Rudolf von Gneist August Meitzen
Llingües falaes	alemán[9] rusu[10] inglés[11] italianu[12] llatín[12]
Profesor de	Alfred Schütz Harold Garfinkel
Oficiu	xurista, economista, sociólogu, filósofu, antropólogu, abogáu, profesor universitariu, musicólogu, políticu, historiador
Llugares de trabayu	Friburgu de Brisgovia, Munich, Heidelberg y Viena
Emplegadores	Universidá de Munich Universidá de Heidelberg Universidá de Friburgu Universidá de Viena
Trabayos destacaos	Economía y sociedad (es) La ética protestante y el espíritu del capitalismo (es) La ciencia como vocación (es) La política como vocación (es) Wirtschaftsgeschichte (es) La religión de China (es) La religión de la India: la sociología del hinduismo y el budismo (es) Judaísmo antiguo (es)
Miembru de	Alldeutscher Verband (es) German Sociological Association (en) Academia de les Ciencies de Baviera Academia de Ciencies y Humanidaes de Heidelberg Academia de Ciencies y Humanidaes de Heidelberg Burschenschaft Allemannia zu Heidelberg (en)
Creencies
Relixón	Agnosticismu[13]
Partíu políticu	Partido Progresista Popular (es) Deutsche Demokratische Partei Asociación Nacional Social (es)

La so obra más importante ye La ética protestante y l'espíritu del capitalismu. Weber argumentó que la relixón foi una de les razones más importantes qu'influyó na diferenciación d'Occidente y d'Oriente. N'otra de les sos obres más conocíes La política como vocación, Weber definió l'Estáu como una entidá que reclama de xeitu llexítimu'l monopoliu de la violencia pal consiguimientu d'unos fines daqué que nes ciencies polítiques conozse col nome de Tesis de Weber. Tamién ye de destacar el so estudiu de la burocratización de la sociedá, nel que describe la burocratización como'l cambiu d'una organización basada nos valores y na aición p'hacia otra organización basada nos oxetivos y na aición.

Webber entamó los sos estudios de Drechu na Universidá de Heidelberg. Tamién estudió n'otres universidaes, como la de Berlín, onde se dedicó principalmente a la Historia. Asina, doctoróse en Drechu en 1889 y entró a formar parte del cuerpu de profesores de la institución berlinesa. Impartió economía nes universidaes de Friburgu de Brisgovia (1894) y de Heidelberg (1896). Por razones de salú dexó la docencia en 1903, pero tornó en 1918.

Tamién s'ocupó de la redaición d'una de les primeres revistes dedicaes a la socioloxía, Archivu de Ciencies Sociales. En 1905 apareció'l más famosu de los sos estudios, La ética protestante y l'espíritu del capitalismu. Yá en 1909 fundó xunto con Georg Simmel y Ferdinand Tönnies l'Asociación Alemana de Socioloxía. Considéraselu xunta Karl Marx, Wilfred Pareto, Ferdinand Tönnies ya Émile Durkheim ún de los pás de la socioloxía.

Durante la Primer Guerra Mundial desendolcó un notable papel críticu a la escontra la política belicisa del II Reich. Dempués de la guerra, foi miembru del Comité d'Espertos de la Delegación pa la Paz de Versalles. Tamién integró la Comisión redautora de la Constitución de Weimar.