From Wikipedia, the free encyclopedia
Mary Kenneth Keller (17 d'avientu de 1913, Cleveland – 10 de xineru de 1985, Dubuque (es) ) foi una relixosa católica pionera informática d'Estaos Xuníos y la primer muyer doctorada n'informática n'Estaos Xuníos. Doctoróse'l 7 de xunu de 1965 el mesmu día que tamién lo fixo Irving Tang convirtiéndose dambos nes primeres persones doctoraes n'informática n'Estaos Xuníos.[3] Foi tamién la primer muyer n'aportar a la Universidá de Dartmouth onde foi co-desarrolladora del llinguaxe de programación BASIC. Cofundadora de la asocación ASCUE pal usu d'ordenadores na educación, dedicó la so vida al desenvolvimientu de la informática y ta considerada una de les madres de la teunoloxía.[4]
Mary Kenneth Keller![]() | |
---|---|
Vida | |
Nacimientu | Cleveland, 17 d'avientu de 1913[1] |
Nacionalidá |
![]() |
Residencia |
Dubuque (es) ![]() |
Muerte |
Dubuque (es) ![]() |
Estudios | |
Estudios |
Mundelein College (en) ![]() Universidad Clarke (es) ![]() Universidá DePaul Universidá de Wisconsin-Madison (1962 - 1965) Philosophiæ doctor |
Direutor de tesis |
Preston C. Hammer (en) ![]() |
Oficiu |
informática teórica, profesora universitaria, hermana religiosa (es) ![]() |
Emplegadores |
Universidad Clarke (es) ![]() |
Trabayos destacaos | BASIC |
Miembru de |
Sociedad de Matemáticas Aplicadas e Industriales (es) ![]() Association for Computing Machinery[2] Asociación Matemática de América (es) ![]() |
Creencies | |
Relixón | catolicismu |
Orde relixosa |
Hijas de la Caridad de San Vicente de Paúl (es) ![]() |
![]() |
Nació en Cleveland Ohio en 1913 o 1914 según fontes. En 1932 ingresó na congregación de les Hermanes de la caridá de la Beata Virxe María (Sisters of Charity of the Blessed Virgin Mary) y ordenóse monxa en 1940.[4] Estudió na Universidá DePaul en Chicago onde se llicenció en Matemátiques, recibiendo un Bachelor of Science y realizó tamién un Master of Science en Matemática y Física de la citada universidá.
Como estudiante pasó pola Universidá d'Universidá de Wisconsin-Madison, Purdue, la Universidá de Michigan y la Universidá de Dartmouth onde foi pionera en ser almitida. Mary Kenneth solicitó en ligreso en Dartmouth a pesar de qu'en 188 años d'historia de la universidá nunca s'almitiera a nenguna muyer. En 1958 entró a formar parte del llaboratoriu de Ciencies de la Informática reserváu, hasta esi momentu, puramente a varones. Ellí participó nel desenvolvimientu'l llinguaxe de programación BASIC.[5]
Realizó'l doctoráu na Universidá de Wisconsin-Madison[6] la so tesis titulóse Inferencia inductiva de patrones xeneraos por ordenador realizada nel llinguaxe de programación FORTRAN que sigue utilizándose n'aplicaciones matemátiques y científiques. Nun principiu consideróse a Kenneth como la primer persona en llograr un doctoráu n'informática n'Estaos Xuníos pero investigaciones posteriores señalaron que'l mesmu día del mesmu añu, 7 de xunu de 1965 tamién se doctoró Irving Tang.[3] Sía que non ye la primer muyer d'Estaos Xuníos doctorada n'Informática.[7]
En terminando'l so doctoráu aceptó una ufierta pa trabayar na Universidá Clark d'Iowa onde fundó'l Departamentu de Ciencies de la Informática que dirixó mientres dos décades. Tamién estableció un programa de maestría p'aplicaciones informátiques n'educación.[8]
Keller defendía l'accesu universal a la información y abogaba pol usu de los ordenadores na educación, por ello sofitó la creación del ASCUE (Association Suporting Computer Users in Education) asociación pal usu d'ordenadores na educación. Tamién defendió firmemente la presencia de les muyeres nel ámbitu de la informática.[8][7]
Morrió en Dubuque en 1985.
La Universidá Clark creó nel so honor el Centru Keller d'Informática y Servicios de la Información, qu'apurre sofitu n'informática y telecomunicaciones al alumnáu y al personal docente.[13] Tamién, nel so honor, instauróse'l Cursu de Ciencies d'Informática Mary Kenneth Keller.[14]