Mary Elizabeth Mastrantonio

Mary Elizabeth Mastrantonio (17 de payares de 1958, Lombard ^(es) ) ye una actriz de cine y cantante d'Estaos Xuníos.

Mary Elizabeth Mastrantonio
Vida
Nacimientu	Lombard (es) , 17 de payares de 1958[1] (66 años)
Nacionalidá	Estaos Xuníos
Llingua materna	inglés
Familia
Casada con	Pat O'Connor (es) (1990 – )
Estudios
Estudios	Universidá d'Illinois n'Urbana-Champaign Oak Park and River Forest High School (en)
Llingües falaes	inglés
Oficiu
Oficiu	cantante, actriz de televisión, actriz de teatru, actriz de cine, actriz
Nominaciones	ver Óscar a la meyor actriz de repartu (11 febreru 1987): The Color of Money Premiu Tony a la meyor actriz principal nun musical (2003)
Instrumentu musical	voz
IMDb	nm0001512

Biografía

Nació n'Oak Park, Illinois, nel senu d'una familia ítalo-americana y la so primer vocación foi la ópera, disciplina que la llevó a estudiar cantar na Universidá d'Illinois. En 1981 actuó nuna versión de West Side Story en Nueva York y nel New York Shakespeare Festival d'esi añu.

El so debú nel cine foi en 1983 na película Scarface de Brian De Palma como Gina Montana, hermana de Tony Montana (Al Pacino). Mientres la década de 1980, participó en delles películes d'ésitu. Asina, recibió una nominación al Premiu Óscar a la meyor actriz secundaria pol so papel en The Color of Money (1986) de Martin Scorsese. Tamién destaca la so participación en Slamdance (1987), xunto a Tom Hulce, January Man (1989) xunto a Kevin Kline, y The Abyss (1989) con Ed Harris.

Na década de 1990 participó en siete llargumetraxes, y casóse col direutor Pat O'Connor, dedicándose a la so familia. A partir d'ende, les sos apaiciones fixéronse más espaciadas, destacando Robin Hood: Prince of Thieves, The Perfect Storm de Wolfgang Petersen (2000), o la so apaición na cuarta temporada de Without a Trace.

Apaeció más frecuentemente en Broadway, onde intervieno en The Human Comedy o L'home de la Mancha nel qu'interpreta'l papel de Dulcinea.

Filmografía

• Scarface (1983), de Brian De Palma.
• Mussolini: The Untold Story (1985), de William A. Graham.
• The Color of Money (1986), de Martin Scorsese.
• Slamdance (1987), de Wayne Wang.
• The Abyss (1989), de James Cameron.
• January Man (1989), de Pat O’Connor.
• Class Action (1990), de Michael Apted.
• Fools of Fortune (1990), de Pat O’Connor.
• Robin Hood: Prince of Thieves (1991), de Kevin Reynolds.
• White Sands (1992), de Roger Donaldson.
• Consenting Adults (1992), d'Alan J. Pakula.
• Three Wishes (1995), de Martha Coolidge.
• Two Bits (1995), de James Foley.
• Witness Protection (1999), de Richard Pearce.
• Limbo (1999), de John Sayles.
• My Life So Far (1999), de Hugh Hudson.
• The Perfect Storm (2000), de Wolfgang Petersen.
• Standing Room Only (2002), de Deborra-Lee Furness.
• Stories of Lost Souls (2005), de Deborra-Lee Furness.
• The Russell Girl (2008)

Premios

Óscar

Añu	Categoría	Película	Resultáu
1986	Óscar a la meyor actriz de repartu	The Color of Money	Nomada