Mars One

Mars One (n'asturianu Marte Unu) ye un proyeutu priváu desendolcáu pol investigador holandés Bas Lansdorp p'allugar una colonia humana permanente en Marte.^[1] El plan ye unviar satélites de comunicación al planeta en 2016 y depués de delles etapes, a la fin, en 2022 llanzar un equipu d'humanos en Marte pa que vivan permanentemente aportando en 2023^[2] y unviar un equipu nuevu de cuatro astronautes cada dos años llueu del unviu inicial.^[3]

El proyeutu ta sofitáu pol físicu Gerard 't Hooft.^[2][4]

Mars One ta intentando asegurar patrocinadores ya inversores^[5] convirtiéndolu nun reality show y tener ciertos astronautes elixíos pol públicu.^[3][6] Cúidase que namái poner los primeros cuatro astronautes en Marte costará alredor de 6.000 millones de dólares.^[7] Mars One tien identificaos furnidores potenciales, como SpaceX, pa los componenetes de la misión.^[4] Creen que'l costu del viaxe sería significantemente menor faciéndolu namái d'ida.^[8]

Plan

El plan de la misión ye'l que vien darréu:^[4]

• 2013: Esbíllense los primeros 40 astronautes^[7] y constrúise una réplica del establecimientu pal entrenamientu.
• 2014: Produzse'l primer satélite de comunicación.
• 2016: Llánzase una misión de furnimientu con 2.5 tonelaes de comida nun SpaceX Dragon modificáu.
• 2018: Llánzase un vehículu d'esploración asemeyáu al Lunar Roving Vehicle pa elixir la l'allugamientu de la colonia.
• 2021: Unvíense seis Dragons adicionales y otru rover con dos unidaes habitables, dos unidaes de soporte vital y dos unidaes furnidores.
• 2022: Llánzase un Falcon Heavy de SpaceX col primer grupu de 4 colonizadores.
• 2023: Lleguen a Marte los primeros colonizadores.
• 2025: Llega un segundu grupu de cuatro colonizadores.
• 2033: La colonia llega a los 20 habitantes,^[1]