actriz d'Estaos Xuníos From Wikipedia, the free encyclopedia
Margaret Lorraine "Margalo" Gillmore (31 de mayu de 1897, Londres – 30 de xunu de 1986, Manhattan) foi una actriz teatral, cinematográfica y televisiva d'Estaos Xuníos d'orixe inglés.
Margalo Gillmore | |
|---|---|
 | |
| Vida | |
| Nacimientu | Londres, 31 de mayu de 1897[1] |
| Nacionalidá |
 Estaos Xuníos |
| Llingua materna | inglés |
| Muerte | Manhattan, 30 de xunu de 1986[1] (89 años) |
| Sepultura |
cementerio de Kensico (es)  [2] |
| Causa de la muerte | cáncanu |
| Familia | |
| Hermanos/es | Ruth Gillmore |
| Estudios | |
| Estudios | American Academy of Dramatic Arts |
| Llingües falaes | inglés |
| Oficiu | actriz, actriz de teatru, actriz de televisión, actriz de cine |
| IMDb | nm0319357 |
 | |
Nacida en Londres, Inglaterra, Gillmore yera la fía del actor Frank Gillmore, antiguu presidente del sindicatu d'actores Actors' Equity, y de l'actriz Laura MacGillivray, según hermana de la tamién actriz Ruth Gillmore. La so tida güela yera l'actriz y direutora teatral británica Sarah Thorne, y los sos tíos güelos los intérpretes Thomas Thorne y George Thorne.
Actriz de cuarta xeneración per parte de la so familia paterna, Gillmore estudió na American Academy of Dramatic Arts. La so llarga carrera teatral tomó dende The Scrap of Paper en 1917 hasta'l musical de Noël Coward Sail Away, representáu nel circuitu de Broadway en 1961, llamando per vegada primera l'atención de la crítica en 1919 cola obra The Famous Mrs. Fair, na cual trabayaba en compañía d'Henry Miller y Blanche Bates. Tamién foi destacable la so interpretación en 1921 de la tuberculosa Eileen Carmody na pieza d'Eugene O'Neill The Straw. A lo llargo de la so trayeutoria, Gillmore actuó con regularidá cola sociedá teatral Theatre Guild.
Actuando como extra nuna película muda pa los Vitagraph Studios en 1913, con 16 años d'edá, y nun curtiu, The Home Girl en 1928, Gillmore debutó con un papel d'importancia en 1932 con Wayward, pero nun volvió trabayar pa la gran pantalla hasta la década de 1950, en cintes como Cause for Alarm!, Perfect Strangers, Alta sociedá (1956) y Upstairs and Downstairs (1959).
Nos años de la Segunda Guerra Mundial. Gillmore tuvo un papel na producción itinerante de The Barretts of Wimpole Street. Na mesma trabayaba bona parte del repartu orixinal de Broadway, encabezáu pola actriz Katharine Cornell, y so la direición del home de Cornell, Guthrie McClintic. Esa obra sirvió pa entretener a les tropes destacaes n'Italia, Francia ya Inglaterra, llegando inclusive a representase a poques milles del frente en Holanda, aprovechando la repartida la situación pa faer visites diaries a los hospitales militares.
Gillmore tamién intervieno en televisión repitiendo'l papel de Mrs. Darling que fizo en Broadway col musical Peter Pan, que protagonizaba Mary Martin. Amás, Gillmore formó parte del grupu d'artistes denomináu Algonquin Round Table.
Margalo Gillmore finó por causa de un cáncer en 1986, na ciudá de Nueva York. Tenía 89 años d'edá. Foi soterrada nel Campusantu Aaron, nel Condáu de Walker (Alabama).[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
