Remove ads
Luis Villares Naveira (8 d'agostu de 1978, Lugo) ye un xuez y políticu gallegu d'En Marea y voceru del so grupu parllamentariu na X Llexislatura del Parllamentu de Galicia. En febreru de 2020, anunció'l so abandonu de la política enantes de les eleiciones al Parllamentu de Galicia de 2020.[1]
Luís Villares | |||
|---|---|---|---|
.jpg) | |||
21 ochobre 2016 - Distritu: Lugo (es)  Eleiciones: Eleiciones al Parllamentu de Galicia de 2016 | |||
| Vida | |||
| Nacimientu | Lugo, 8 d'agostu de 1978 (46 años) | ||
| Nacionalidá |
 España | ||
| Estudios | |||
| Estudios | Universidá de Santiago de Compostela | ||
| Llingües falaes |
castellanu gallegu | ||
| Oficiu | xuez, políticu | ||
| Creencies | |||
| Partíu políticu | En Marea | ||
 | |||
Remove ads
Llicenciáu en Drechu pola Universidá de Santiago de Compostela s'especializó na estaya de Drechu del Consumu.
Xuez de carrera dende 2005, exerció na Fonsagrada (2007-2010) y dempués como maxistráu del contenciosu alministrativu de l'Audiencia Nacional (2010-2011), titular nel Tribunal Superior de Xusticia del País Vascu (2011-2012), nel Xulgáu Contenciosu-Alministrativu de Lugo y na Sala del Contenciosu Alministrativu del Tribunal Superior de Xusticia de Galicia. Foi coordinador en Galicia de l'asociación progresista Xueces pa la Democracia y ye miembru fundador de la Hermandá Xurídica Gallega.
Remove ads
El so nome foi ún de los nomes que sonaron pa liderar el proyeutu políticu d'En Marea pa les eleiciones gallegues de 2016[2]. El 6 d'agostu del 2016 presentó la so candidatura a les primaries d'esti partíu,[3] y finalmente Foi escoyíu candidatu a la presidencia de la Xunta de Galicia.[4]
Dempués de los comicios -nos que Villares encabezó les llistes pola Provincia de Lugo- En Marea foi la segunda llista más votada y consiguió un total de 14 diputaos.[5] Sicasí, l'espaciu políticu d'En Marea quebró por mor de les disputes internes. A finales de 2018, una crisis rellacionada cola eleición d'un nuevu lideralgu del partíu aportó nuna división ente los miembros partidarios de Villares y los miembros de los partíos fundadores d'En Marea, Podemos, Anova y Esquerda Unida (EU). Villares foi escoyíu como nuevu líder d'En Marea'l 24 d'avientu de 2018 baxo acusaciones d'irregularidaes[6][7] lo cual provocó que Podemos, Anova y Esquerda Unida abandonaren la coalición considerándolo como un proyeutu políticu "falláu".[8][9][10] Los parllamentarios de Podemos, Anova y Esquerda Unida formaron el Grupu Común da Esquerda nel Parllamentu de Galicia en setiembre de 2019.[11][12] Podemos y Esquerda Unida participaron tanto nes eleiciones d'abril como nes de payares de 2019 so la marca En Común–Unidas Podemos,[13][14] formando'l subgrupu Galicia en Común dientro de Xuníes Podemos nel Congresu de los Diputaos.[15]
En febreru de 2020, enantes de les Eleiciones al Parllamentu de Galicia de 2020, anunció que nun se presentaría a los comicios y que a final de mes abandonaría la política.[16]
Remove ads
- Estatuto xurídico da lingua galega, 2005.
- A inconstitucionalidade da segregación do estudantado por razón de lingua, 2009.
- Estudo crítico do sistema de responsabilidade civil por danos causados por hidrocarburos: ensinanzas do Prestige, 2009.
- Estudos xurídicos sobre o Decreto para o plurilingüismo, 2010 (coordinador).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads