Lophophanes cristatus

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. El beranín moñuzu^[2] (Lophophanes cristatus) ye una especie d'ave paseriforme de la familia Paridae. Ye una especie bien espublizada y común nos montes de coníferes del centru y el norte d'Europa y nos montes de fueya caduca de Francia y de la península Ibérica. En Gran Bretaña ta acutáu a los antiguos montes de pinos d'Inverness y Strathspey n'Escocia, y escasamente allóñase de los sos niales. Viéronse pocos exemplares dacuando n'Inglaterra. Ye residente, y la mayor parte d'estes aves nun migra.

Lophophanes cristatus beranín moñuzu
Estáu de caltenimientu
Esmolición menor (IUCN 3.1)[1]
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Paridae
Xéneru:	Lophophanes
Especie:	L. cristatus Linnaeus, 1758
Distribución
Sinonimia
Parus cristatus
Consultes
[editar datos en Wikidata]

Cantar del herrerillo capuchín.

Lophophanes cristatus

Ye un herrerillo fácilmente reconocible, pola so carauterística cresta, que la so punta tien forma curvada, y pol so cantar y plumaxe distintivu. Tien un cantar similar a la fala, como otros herrerillos, con un cantar constante zee, zee, zee.

Añera en buecos de tueros cayíos. Esta ave de cutiu aliméntase de lo que cai a los raigaños de los árboles, y por cuenta de que nun s'asusta de los otros animales, puede apreciase con facilidá. Pel hibiernu axúntase colos otros herrerillos.

Como otros herrerillos, aliméntase d'inseutos, incluyendo gates.

Esta especie tradicionalmente considerábase dientro del xéneru Parus, pero anguaño inclúyese en Lophophanes,^[3] consideráu pola Unión d'Ornitólogos Americanos como un xéneru estreme.