Lliga d'Estaos Árabes
From Wikipedia, the free encyclopedia
Remove ads
La Lliga d'Estaos Árabes o simplemente Lliga Árabe (n'árabe: جامعة الدول العربية), ye una organización qu'acomuña a los Estaos árabes.
Remove ads
Foi fundada'l 22 de marzu de 1945 por siete Estaos. El so oxetivu cimeru ye:
- Sirvir el bien común de tolos países árabes, afitar meyores condiciones pa tolos países árabes, garantizar el futuru de tolos países árabes y cumplir los naguamientos y esmolecimientos de tolos países árabes.
La so estremancia con otres organizaciones como la Xunión Europea ye que nun tien algamáu un grau importante d'integración rexonal y en que la organización nun caltién rellaciones direutes colos ciudadanos de los sos Estaos-miembru. La carta fundacional de la Lliga Árabe declara que coordinará asuntos económicos, incluyendo rellaciones comerciales, comunicaciones, cultura y salú. El llar permanente (Secretaría Xeneral) de la Lliga alcuéntrase n'El Cairu, Exiptu. Sacantes ente 1979-1989 que tuvo asitiada en Túnez.
Na so carta fundacional, la Lliga Árabe afita como los sos oxetivos aniciales los d'algamar que'l restu d'estados árabes qu'entá s'alcuentren colonizaos por países europeos s'independicen y que nel protectoráu británicu de Palestina, la minoría xudía nun creye l'estáu d'Israel. Tamién especifica que nun se trata d'una Xunión d'estados nin d'una Federación, sinón una Lliga na que tolos estaos soberanos caltienen una independencia dafechu.
Remove ads
Estaos miembros
Miembros de la Lliga Árabe y (data de la so almisión):
- Exiptu - 22 de marzu, 1945 (Fundador) (suspendíu, 1979-1989)
- Iraq - 22 de marzu, 1945 (Fundador)
- Xordania (como Trexordania ente 1945-1949) - 22 de marzu, 1945 (Fundador)
- El Líbanu - 22 de marzu, 1945 (Fundador)
- Arabia Saudita - 22 de marzu, 1945 (Fundador)
- Siria - 22 de marzu, 1945 (Fundador)
- Yeme del Norte - 5 de mayu, 1945 (Fundador), dende 1990 como Yeme
- Libia - 28 de marzu, 1953
- Sudán - 9 de xineru, 1956
- Marruecos - 1 d'ochobre, 1958
- Tunicia - 1 d'ochobre, 1958
- Kuwait - 20 de xunetu, 1961
- Arxelia - 16 d'agostu, 1962
- Yeme 1967-1990 (fusión con Yeme del Norte)
- Emiratos Árabes Xuníos - 12 de xunu, 1971
- Baḥréin - 11 de setiembre, 1971
- Qatar - 11 de setiembre, 1971
- Omán - 29 de setiembre, 1971
- Mauritania - 26 de payares, 1973
- Somalia - 14 de febreru, 1974
- Palestina - 9 de setiembre, 1976 (representada pola OLP)
- Djibouti - 9 d'abril, 1977
- Comores - 20 de payares, 1993
La suspensión d'Exiptu debióse a la robla de los alcuerdos de Camp David y al afitar rellaciones diplomátiques con Israel. Demientres esta suspensión foi cuando'l llar de la Lliga treslladóse d'El Cairu a Túnez.
Remove ads
Organización
La Lliga Árabe ta compuesta polos organismos que vienen darréu:
- Conseyu de la Lliga Árabe, integráu por tolos estaos miembros. Cada país tien un votu y les decisiones aprobaes nun son necesariamente venceyantes;
- Conseyu Económicu y Social Árabe;
- Comités téunicos;
- Axencies árabes especializaes;
- Xuniones o ensames árabes;
- Secretaria Xeneral, nomáu pol Conseyu
Secretarios Xenerales de la Lliga Árabe
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads