Les Arriondes

Les Arriondes^[3] ye una villa^[4] asturiana, capital del conceyu de Parres y de la parroquia homónima.

Les Arriondes
Alministración
País	España
Autonomía	Principáu d'Asturies
Provincia	provincia d'Asturies
Conceyu	Parres
Parroquia	Les Arriondes
Partíu xudicial	Cangues d'Onís
Tipu d'entidá	villa[1]
Nome oficial	Les Arriondes (ast)[2]
Xeografía
Coordenaes	43°23′09″N 5°11′27″W
Les Arriondes Les Arriondes (Asturies)
Más información
Estaya horaria	UTC+01:00

Allúgase a 65 km d'Uviéu y tien una población de 2.575 habitantes (1.255 homes y 1.320 muyeres), según los datos del padrón de 2007,^[5] lo que supón el 45% de la población total del conceyu y el 78,5% de la de la parroquia. Asítiase na vega formada polos ríos Seya y Piloña, qu'axunten cerca d'ella.

Gracies al Descensu Internacional del Seya l'actividá turística na villa medro bonablemente nos caberos años. Asina, el turismu activu espoxigó y son numberoses les empreses dedicaes a organizar descensos en kayak o piragua pel ríu Sella. Nesti ríu tamién se pesca salmón na temporada estival. En devanéu Les Arriondes nun ye considerada la capital salmonera d'Europa.

Dende 1997 cuenta col hospital comarcal, de nome Francisco Grande Covián, nel barriu de La Castañera, que da serviciu a tol oriente asturianu. D'igual mena cuenta con otros servicios como la Piscina Comarcal Climatizada y la Oficina d'Información Xuvenil. Too ello convierte a la villa de Les Arriondes nún importante centru de servicios del Oriente d'Asturies.

Les principales fiestes de la llocalidá son el 22 de mayu, en que se festexa a Santa Rita y se celebra una feria de ganáu; l'últimu domingu de xunu, festividá del Fitu; el 16 de xunetu'l Carme y por último la fiesta del Bollu y el Bollín l'últimu domingu y llunes de xunetu, ensin escaecer el yá mencionáu Descensu Internacional del Seya (primer sábadu d'agostu dempués del día 2), conocíu popularmente como Les Piragües.

Dende l'añu 1997 celébrase'l festival de música lletrónica Aquasella.^[6]

Ver tamién

• Club Arenas del Sella

Referencies

1. Afirmao en: Nomenclátor d'entidaes de población d'Asturies. Data de consulta: 3 xunu 2024. Editorial: Sociedá Asturiana d'Estudios Económicos ya Industriales.
2. «Boletín Oficial del Principáu d'Asturies» (castellanu). Conseyu de Gobiernu del Principáu d'Asturies. Consultáu'l 3 xunu 2024.
3. «Espediente colos topónimos oficiales de Parres». BOPA.
4. «SADEI: Noménclator d'entidaes del Principáu d'Asturies» (en castellanu).
5. Distribución de la población por nucleos
6. «Aquasella». Archiváu dende l'orixinal, el 2011-09-27.

Enllaces esternos

• Wikimedia Commons acueye conteníu multimedia sobre Les Arriondes.
• Páxina oficial del Ayuntamientu de Parres

• Datos: Q624774
• Multimedia: Arriondas