From Wikipedia, the free encyclopedia
Leire Pajín Iraola (16 de setiembre de 1976, Donostia) ye una política española del PSOE. Ocupó'l cargu de ministra de Sanidá ente'l 21 d'ochobre de 2010 y el 22 d'avientu de 2011, y el de vicesecretaria xeneral del PSPV ente'l 1 d'abril de 2012 y el 4 de xunetu d'esi mesmu añu, cuando anuncia que dexa la política activa pa trabayar na Organización Panamericana de Salú.
Nacida en San Sebastián, Guipúzcoa, el 16 de setiembre de 1976, dende la so mocedá moró en Benidorm,[3] onde cursó'l Bachilleratu. Llicenciada en socioloxía pola Universidá d'Alicante en 1998.[4] Foi presidenta[5] de l'Asociación d'Estudiantes Campus Jove (1995-1997) y miembru del Claustru y de la Xunta de la Facultá d'Económiques y Empresariales de la Universidá d'Alicante (1995-1999). Fía del militante del PSOE de Benidorm José María Pajín, asesor na Subdelegación del Gobiernu n'Alicante, y Maite Iraola, ex militante[6] d'esti partíu y conceyal nel Conceyu de la llocalidá.
Exerció —ente otros cargos en distintes organizaciones na órbita del PSOE— como miembru del Comité Federal de les Mocedaes Socialistes d'España, secretaria de Política Institucional de les Mocedaes Socialistes de Benidorm, presidenta de Solidaridá Internacional y miembru del Patronatu de la Fundación Jaime Vera.
N'abril de 2011, el so currículum vitae nel sitiu web del ministeriu dicíase qu'exerciera como claustral nuna facultá que nun esiste nel campus al qu'alude.[7] Foi correxíu a otru día de la publicación de la noticia nel diariu ABC.[8]
Nel añu 2000 foi escoyida diputada por Alicante. Nes eleiciones de 2004 anovó'l so escañu encabezando la llista del PSOE per Alicante. N'abril d'esi mesmu añu, dexa la so acta de diputada, pa tomar posesión del cargu de Secretaria d'Estáu de Cooperación Internacional. En 2008 vuelve ser candidata per Alicante, esta vegada como número dos, tres quien fuera entós ministru de Sanidá Bernat Soria. Secretaria d'Organización del PSOE dende'l XXXVII Congresu Federal (4, 5 y 6 de xunetu de 2008), en sustitución de José Blanco, quien pasó a desempeñar el cargu de vicesecretariu xeneral del PSOE.[9]
Tres la so eleición como secretaria d'Organización del PSOE abandonó'l cargu de Secretaria d'Estáu de Cooperación Internacional, siendo asocedida nel mesmu por Soraya Rodríguez.[10]
Foi senadora pola Comunidá Valenciana (designada pol parllamentu valencianu) dende'l día 25 de payares de 2009 (tomó posesión el día 1 d'avientu) en sustitución de Juan Andrés Perelló, qu'arrenunció en siendo escoyíu diputáu nel Parllamentu Européu. Esti nomamientu foi oxetu d'un gran discutiniu pol bloquéu del Partíu Popular valencianu al mesmu mientres meses, que llevó a que'l PSOE perdiera una votación nel Senáu por cuntar con un senador menos.
Ministra de Sanidá, Política Social ya Igualdá dende'l 21 d'ochobre de 2010 hasta'l 22 d'avientu de 2011.
Tres el Congresu Nacional del PSPV celebráu n'Alicante en 2012 ye escoyida vicesecretaria xeneral del PSPV na executiva liderada por Ximo Puig.[11]
El día 4 de xunetu de 2012 anuncia públicamente qu'abandonaría temporalmente la política y, consiguientemente, el so escañu nel Congresu de los diputaos pa dedicase trabayar na Organización Panamericana de la Salú (OPS),[12] puestu al que se rumoreaba aspiraba tres la derrota del PSOE en 2011. España ye miembru observador de dicha organización, lo que-y da la posibilidá d'asitiar a ciertos cargos en dicha institución. El so perfil ye altamente políticu polo que nun se detalló en calidá de qué trabayaría en dicha organización, integrada fundamentalmente por científicos y téunicos espertos. Ente los sos tratos con dicha organización ta la firma d'un conveniu ente la OPS y el ministeriu de sanidá d'España, n'ochobre de 2011,[13] un mes antes de la derrota eleutoral del PSOE nes eleiciones xenerales de 2011.
== Cargos desempeñaos nel PSOE Secretaria de Movimientos Sociales y Rellaciones coles ONGs del PSOE. (2000-2004)
Predecesor: Carmen Cerdeira |
Secretaria de Movimientos Sociales y ONGs del PSOE 2000-2004 |
Socesor: Pedro Zerolo |
Predecesor: Miguel Ángel Cortés Martín |
Secretaria d'Estáu de Cooperación Internacional d'España 2004-2008 |
Socesor: Soraya Rodríguez |
Predecesor: José Blanco López |
Secretaria d'Organización del PSOE 2008-2010 |
Socesor: Marcelino Iglesias |
Predecesor: Trinidad Jiménez (Sanidá y Política Social) Bibiana Aído (Igualdá) |
Ministra de Sanidá, Política Social ya Igualdá d'España 2010-2011 |
Socesor: Ana Mato |
Predecesor: Alejandro Soler |
Vicesecretaria xeneral del PSPV-PSOE 2012 |
Socesor: Francesc Romeu |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.