Ismael María González Arias (1958, Uviéu) ye ún de los escritores más prolíficos y polémicos (nos sos artículos de prensa) del panorama lliterariu asturianu. Diplomáu en Profesoráu d'Educación Xeneral, enxamás trabayó de maestru, faciéndolo como vendedor de periódicos, camareru, guaje na construcción o ayudante mineru. Máster en Márqueting y Comunicación Multimedia, especialista en Xestión Cultural y Territoriu, y diplomáu en Xestión d'Instituciones Artístiques y Culturales, presidió l'Asociación Profesional de Xestores Téunicos de Cultura d'Asturies y ye anguaño direutor de la Casa de Cultura "Teodoro Cuesta" de Mieres.
Ismael González Arias | |
|---|---|
| Vida | |
| Nacimientu | Uviéu, 1958 (65/66 años) |
| Nacionalidá |
 España |
| Estudios | |
| Llingües falaes |
castellanu asturianu |
| Oficiu | escritor |
| Premios |
ver
|
 | |
Trabayando na mina publica'l so trabayu Fálame, fála-y, primer manual d'aprendizaxe comunicativu de la llingua asturiana, emplegáu a lo llargo d'años nel enseñu de la llingua asturiana p'adultos.
Tola so obra, incluyida la ficción, ta de dalguna manera entellazada, siendo una crónica del tiempu del que fala. Asina, El cuartu negociu (1993) treslládanos a la guerra de los Balcanes con un personaxe que vuelve aparecer en El tiempu de Manolo (2005), biografía personal de lo que fueran los años setenta, un periodu marcáu pol fin de la dictadura y el fin del mundu rural. Na so última novela, En busca de Xovellanos (2006), realiza una incursión na novela histórica como una manera de regresar a los oríxenes del tiempu presente, con personaxes españoles y foranos que revisen el conceptu d'España percorriendo'l so territoriu detrás de Gaspar Melchor de Xovellanos, en plena ocupación francesa a primeros del sieglu XIX.
El so trabayu más valoráu a nivel críticu ta rellacionáu cola música asturiana, tanto como compositor, productor o críticu musical.
Cuenta con páxina propia en [www.ismael.org] na que s'afayen dellos de los sos trabayos sobre música y artículos periodísticos, como los correspondientes a la serie de L'Asturies Cismontana y del siguimientu de la película Pídele cuentas al Rey, de José Antonio Quirós.
- 2024 Premiu Xosefa Xovellanos, con 1664/1665.[2]
- 2009 Premiu María Josefa Canellada
- 2005 Premiu Xosefa Xovellanos de Novela, con En busca de Xovellanos.
- 2004 Premiu Enriqueta González Rubín de Periodismu, con La tonada como música culta asturiana.
- 1998 Premiu Fuertes Acevedo d'Ensayu, con L’Asturianada (xunto a Xaime Arias).
- 1992 Premiu Xosefa Xovellanos de Novela, con El cuartu negociu.
- 1990 Premiu de Materiales Didácticos, con Programación comunicativa sobre un textu clásicu: La Cuelma de Xosé Caveda y Nava.
- 2006 En busca de Xovellanos, novela Ed. Trabe.
- 2005 El tiempu de Manolo, novela Publ. Ámbitu.
- 2004 Cronoloxía de la Música Asturiana. Publ. Ámbitu.
- 2003 L’Asturies Cismontana. Publ. Ámbitu.
- 2003 Cantares de Llanes.Ayto. Llanes.
- 2002 La boda del añu, novela Ed. Trabe.
- 2001 Les cuarenta principales. (2ª ed.) Ayto. Mieres.
- 2001 Diccionariu de la llingua (y otros órganos sexuales). Publ. Ámbitu.
- 2000 Les cuarenta principales. Ayto. Mieres.
- 2000 Píde-y cuentes a Quirós. Publ. Ámbitu.
- 1998 L’Asturianada. S. Publicaciones Principáu d'Asturies.
- 1992 El cuartu negociu, novela S. Publicaciones Principáu d'Asturies.
- 1990 Programación comunicativa sobre un textu clásicu. S. Publicaciones Principáu d'Asturies.
- 1988 Fálame, fála-y. S. Publicaciones Principáu d'Asturies.
- 2004 Antoloxía del cuentu eróticu. Publ. Ámbitu.
- 2004 Escritores en Llanes. S. Publicaciones Principáu d'Asturies.
- 2003 Los branos de la nuestra vida. Publ. Ámbitu.
- 1997/2007 Folganza (columnes). La Nueva España.
- 2006/2007 Opinión (articulos). El Comercio.
- 2003/2007 La voz de la tierra (artículos). Les Noticies.
- 2002/2007 Música asturiana (artículos). La Nueva España.
- 2002/2003 Asturianos que cuenten (entrevistes). La Nueva España.
- 2001 El raptu d'Europa (artículos). Les Noticies.
- 2001 The Camp Yellow Connection (serie). La Nueva España.
- 2000 Nostradamus de Turón (serie). La Nueva España.
- 1998/1999 Crónicas al sur de Asturias (artículos). La Nueva España.
- 1999 La venganza del vizconde Mayacino (serie). La Nueva España.
- 1994/1996 Por el camino de Mieres (artículos). La Nueva España.
- 2005 Vamos pa Venecia, de J. Accame. Estrenada pol Grupu Teatru N’Alpargates y Orbayando. Dirixida por Andrés Presumido.
- 2003 El cantar de los pipiolos, de Pedro Mario Herrero. Estrenada pol Grupu Teatru N’Alpargates y Orbayando. Dirixida por Andrés Presumido.
- 2002 ¡Tocónos, muyer, tocónos!, de Rafael Mendizábal. Estrenada pol Grupu Teatru N’Alpargates y Orbayando. Dirixida por Andrés Presumido.
- 2006 Amor amante, CD de Lafu (Alejandro Velasco) y Rebeca Velasco, p'Ámbitu.
- 2005 Anabel Santiago canta a Diamantina Rodríguez, CD d'Anabel Santiago, pa Males Pulgues Records y Galileo M.C. (2ª edición 2006).
- 2005 ¡Ea, ea, ea! Añaes tradicionales asturianes, CD de Rebeca Velasco y Juanjo Abad, pal Institutu Asturianu de la Muyer (2ª edición 2005, 3ª edición 2006).
- 2005 Torner, CD d'Ástura, Anabel Santiago y Alberto Varillas, p'Ambitu.
- 2004 Con voz de muyer, CD de Varios Autores, pal Institutu Asturianu de la Muyer.
- 2004 De Ḷḷaciana vengo, CD de Rosario González, p'Ámbitu.
- 2004 Los mineros canten a la mina, CD de Varios Autores, p'Ámbitu.
- 2004 Xente mozo, CD del Coru Xente Mozo d'Asturies, p'Ámbitu.
- 2004 Nel café de la esquina, CD de Liliana Castañón Quartetu, p'Ámbitu.
- 2003 Cantares de mina, CD de Varios Autores, p'Ámbitu.
- 2003 Dir ya tornar, CD de Lafu (Alejandro Lafuente) y Sturm(Rodrigo Sturm), p'Ámbitu.
- 2002 La tonada de la mina, CD de Varios Autores, p'Ámbitu.
- 2005 Torner, espectáculu musical d'Ástura, Anabel Santiago y Alberto Varillas, pa la Compañía Asturiana d'Espectáculos (15 actuaciones).
- 2005 Sones de danza, llibretu del espectáculu musical, con música de Xaime Arias y direición artística d'Alberto Varillas, pal Ayuntamientu de Xixón (Día grande de Begoña en la Plaza Mayor de Xixón).
- 2004 Nel camín, espectáculu musical d'Ástura, Anabel Santiago, Liliana Castañón, Urbano Prieto y Alberto Varillas, pa la Compañía Asturiana d'Espectáculos (10 actuaciones).
- 2004 Camín a Xixón, llibretu del espectáculu musical, con música de Xaime Arias y direición artística d'Alberto Varillas, pal Ayuntamientu de Xixón (Día grande de Begoña en la Plaza Mayor de Xixón).
- 2003 Buscando’l norte, llibretu del espectáculu musical, con música de Juan Carlos Casimiro y direición artística d'Alberto Varillas, pal Ayuntamientu de Xixón (Día grande de Begoña en la Plaza Mayor de Xixón).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
