From Wikipedia, the free encyclopedia
Irving Pichel (24 de xunu de 1891, Pittsburgh – 13 de xunetu de 1954, Hollywood) foi un actor y direutor cinematográficu d'Estaos Xuníos.
Irving Pichel![]() | |
---|---|
![]() | |
Vida | |
Nacimientu | Pittsburgh[1], 24 de xunu de 1891[2] |
Nacionalidá |
![]() |
Llingua materna | inglés |
Muerte | Hollywood[3], 13 de xunetu de 1954[2] (63 años) |
Sepultura |
Mountain View Cemetery (en) ![]() |
Causa de la muerte | infartu de miocardiu |
Estudios | |
Estudios | Universidá de Harvard |
Llingües falaes | inglés |
Oficiu | actor, direutor de cine, actor de cine |
Llugares de trabayu | Estaos Xuníos |
IMDb | nm0681635 |
![]() |
Nacíu en Pittsburgh, Pennsylvania, el primer trabayu de Pichel nel campu del teatru musical foi'l de direutor téunicu de los espectáculos veraniegos del Bohemian Club en Bohemian Grove. Llueu foi cedíu a Wallace Rice p'actuar como'l narrador principal de la so obra Primavera, the Masque of Santa Barbara (1920).[5] Amás, Pichel consiguió una significativa fama como'l personaxe del títulu na producción de la obra d'Eugene O'Neill Lazarus Laughed, representada en 1927 nel Pasadena Playhouse.
Ente los sos más destacaos papeles na gran pantalla figuren el del criáu Sandor en La fía de Drácula, el dueñu d'una sórdida casa en The Story of Temple Drake, y Fagin en Oliver Twist (1933). Amás, dirixó delles películes, ente elles The Miracle of the Bells, Mr. Peabody and the Mermaid, y Destination Moon. Tamién pudo escuchase la so voz en How Green Was My Valley (el narrador) y en The Great Commandment (la voz de Jesús).
Mediaos los años 1940, Pichel fixo pequeños papeles en dellos de los filmes que dirixó, amás d'actuar na radio, y de ser el narrador na película de John Ford She Wore a Yellow Ribbon (1949). Les sos últimes cintes como direutor tuvieron una temática relixosa, Martin Luther (1953) y Day of Triumph (1954).
En 1947, Pichel foi unu de los 19 miembros de la comunidá de Hollywood que fueron citaos pol Comité d'Actividaes Antiestauxunidenses mientres el segundu medrana colorada nos Estaos Xuníos. Esti grupu foi conocíu como los "Hollywood Nineteen (diecinueve de Hollywood)" y los "Unfriendly Nineteen (antipáticos diecinueve)".[6] Anque a Pichel finalmente nun se-y fixo testificar,[7] quedó incluyíu na llista negra de Hollywood, que foi capaz d'evitar abandonando los Estaos Xuníos.[8] En 1954, sicasí, volvió al so país pa dirixir Day of Triumph, un filme de serie B alrodiu de la vida de Cristu. Él finó pocu dempués de rematar la cinta, ensin llegar a poder ver el so estrenu.
Pichel casóse con Violette Wilson, fía de Jackson Stitt Wilson, un pastor Metodista y alcalde socialista de Berkeley (California). La so hermana yera l'actriz Viola Barry. El matrimoniu Pichel tuvo tres fíos, Pichel Wilson, Julian Irving, y Marlowe Agnew. Irving Pichel finó en 1954 en Hollywood, California, por causa de un infartu agudu de miocardiu. Foi soterráu nel Campusantu Mountain View de Oakland (California).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.