From Wikipedia, the free encyclopedia
Hugh Herbert (10 d'agostu de 1887, Binghamton (es) 
– 12 de marzu de 1952, North Hollywood) foi un actor cinematográficu d'Estaos Xuníos. A lo llargo de la so carrera artística, empecipiada nel vodevil, escribió más de 150 obres y númberos teatrales.
Hugh Herbert | |
|---|---|
 | |
| Vida | |
| Nacimientu |
Binghamton (es) , 10 d'agostu de 1887[1] |
| Nacionalidá |
 Estaos Xuníos |
| Llingua materna | inglés |
| Muerte | North Hollywood[2], 12 de marzu de 1952 (64 años) |
| Causa de la muerte | infartu de miocardiu |
| Familia | |
| Casáu con |
Anita Pam (es) [2] |
| Hermanos/es |
Tom Herbert[2]
|
| Estudios | |
| Llingües falaes | inglés |
| Oficiu | actor, guionista, actor de cine, direutor de cine |
| Premios | |
| IMDb | nm0001890 |
 | |
Nacíu en Binghamton (Nueva York), tuvo un hermanu, Tom Herbert, que tamién foi comediante cinematográficu.
La llegada del cine sonoru favoreció que munchos actores con esperiencia teatral viaxaren a Hollywood, siendo ésti'l casu de Hugh Herbert, qu'en pocu tiempu aportó a una popular figura cómica. Los sos personaxes cinematográficos yeren davezu distrayíos y nerviosos. Avezaben a mover enforma los deos de les manes y falar solos, repitiendo siempres les mesmes frases: "hoo-hoo-hoo, maraviyosu, maraviyosu, hoo hoo hoo!". Esta muletilla inspire'l "hoo hoo, hoo hoo" del Patu Lucas nos primeros años del personaxe. Foron tantos los asonsañadores (ente ellos Curly Howard de The Three Stooges ("Los trés alloriaos")) qu'usaron la muletilla "woo woo", que'l mesmu Herbert realmente adoutó'l "woo woo" na década de 1940.
Nes sos primeres películes, como na de 1930 de Bert Wheeler y Robert Woolsey Hook, Line and Sinker, Herbert faía papeles cómicos que podía interpretar cualesquier otru comediante. Sicasí, Herbert llueu desenvolvió la so propia personalidá cinematográfica, completada con una risina tonta. Nos años trenta trabayó con frecuencia en filmes de Warner Bros., ente ellos Footlight Parade, Dames, Bureau of Missing Persons, Fog Over Frisco, Fashions of 1934, Gold Diggers of 1935, y A Midsummer Night's Dream. Tamién fixo primeros papeles en comedies de serie B, destacando d'ente elles Sh! The Octopus (1937). Por cuenta de la so popularidá, Herbert foi de cutiu caricaturizáu nos curtios de la Warner Looney Tunes, nes décades de 1930 y 1940, siendo dos d'ellos The Hardship of Miles Standish y Speaking of the Weather.
En 1939 Herbert foi contratáu por Universal Pictures, compañía pa la que fixo papeles de repartu en primeres producciones, y papeles protagonistes en cintes de menor calibre. Una de les sos interpretaciones más recordaes d'esi periodu foi la d'un detective chifláu na comedia d'Ole Olsen y Chic Johnson Hellzapoppin'.
Herbert pasó a Columbia Pictures en 1943, rodando na compañía curtios colos mesmos actores y direutores de los curtios de The Three Stooges. Mientres el restu de la so vida siguió actuando neses comedies y, poco primero de finar, intervieno en televisión con una actuación sorpresa nun show en direutu de Spike Jones.
Como guionista trabayó nel filme de 1928 Lights of New York, y contribuyó na historia del de 1929 The Great Gabbo.
Pola so contribución a la industria cinematográfica, a Herbert concedióse-y una estrella nel Paséu de la Fama de Hollywood, nel 6251 de Hollywood Boulevard.
Hugh Herbert finó por causa de un infartu agudu de miocardiu en 1952 en North Hollywood, Los Angeles. Foi soterráu nel Campusantu de Holy Cross, en Culver City.
|
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
