Hércules dixebra los montes Calpe y Abyla
pintura de Francisco de Zurbarán From Wikipedia, the free encyclopedia
pintura de Francisco de Zurbarán From Wikipedia, the free encyclopedia
Hércules dixebra los montes Calpe y Abyla ye una pintura al oleu de 1634 realizada pol pintor español Francisco de Zurbarán. Atópase espuesta na sala 26a del Muséu del Prado en Madrid, procedente de l'antigua Coleición Real del Palaciu del Bon Retiru.[1]
 | |
| Tipos | pintura |
|---|---|
| Artista | Francisco de Zurbarán |
| Añu | 1634 |
| Xéneru | pintura mitolóxica |
| Material | pintura al oleu y Llenzu |
| Dimensiones |
136 ( ) × 167 ( ) cm |
| Coleición | Muséu del Prado (Madrid) |
| Catalogación | |
| Códigu muséu | P001241 |
| Catálogu |
Zurbaran, 1598-1664 (es)  :(97)Inv. Testamentaría Carlos II, Buen Retiro, 1701-1703 (en) :([263])Inv. Testamentaría Carlos III, Buen Retiro, 1794 (es) :(534)Catálogu Muséu del Prado, 1854-1858, Inv. Real Museo, 1857 (es) :(282)Catálogu Muséu del Prado, 1872-1907:(1122) Catálogu Muséu del Prado, 1942-1996, Catálogu Muséu del Prado, 1910:(1241) "Francisco de Zurbarán, 1598-1664" (es) :(79) |
 | |
La pintura representa al héroe griegu Hércules, que s'atopa nel centru de la composición realizando un gran esfuerciu tratando de mover dos cantiles. Amuésase de pies desnudu coles piernes abiertes y llixeramente flexionadas, el torso y la cabeza tán inclinaos palantre. Les manes sostienen dos pieces de metal, xuntaes a les roques cortaes qu'intenta dixebrar l'héroe. Ente dambos peñascos y detrás del personaxe, repararse una pequeña parte del mar.
La composición d'esta pintura ta centralizada na esforciada aición del héroe, que con un difícil escorzo del que nun s'atopó referencia visual anterior y que, igual qu'asocede col restu de les obres que componen la serie, foi pensáu pa ser vistu dende embaxo.[2] Son especialmente interesantes les soluciones pictóriques apurríes pol pintor pa resolver les distintes zones de la obra. L'autor aboceta de forma bien simple les roques y el fondu marítimu, y realiza esti postreru por aciu pequeñes pincelaes más empastadas. Nel cuerpu de Hércules, alcuéntrase color en densidaes distintes que sirven p'amosar la coherencia anatómica a esti complicáu escorzo.[3]
La escena d'esta pintura recueye una de les obres de la serie que-y foi encargada a Zurbarán pa decorar el Salón de Reinos del Palaciu del Bon Retiru. La serie mitolóxica tenía de representar Los dolce trabayos de Hércules. Al ser inventariaos ensin nome d'autor, nun s'atribuyó la so completa autoría hasta l'añu 1945, gracies a la documentación atopada onde se recoyía'l pagu a Zurbaran «por diez cuadros de los trabayos de Hércules».[2]
Na Testamentaría de Carlos II la tema rexístrase equivocadamente como un «Hércules sosteniendo la bóveda celeste» -cuando Hércules foi Atlante del mundu-, y l'historiador Elías Tormo en 1911, identificó l'episodiu como'l de la separación de Calpe (Peñón de Xibraltar) y Abyla (Monte Hacho, en Ceuta), una tema práuticamente inesistente pa autores del mundu clásicu, como señaló Rosa López Torrijos. Esta estudiosa refuga la interpretación de Tormo por considerar que solamente Séneca fixo referencia al episodiu, ensin tener repercusión dalguna en autores españoles, más sollertes a rellatar l'allugamientu de los dos célebres columnes, col episodiu Non plus ultra, que camudaría depués Carlos I, gracies a los sos territorios ultramarinos, pola divisa Plus ultra.[4] Recuerda López Torrijos que, según testos como la Historia xeneral d'España del padre Mariana, les columnes yeren realidad dos peñascos que sirvieron pa estrechar el pasu d'agua ente l'Atlánticu y el Mediterraneu. Afondando nesta idea, la mesma autora señala l'actitú de Hércules nesti llenzu, tirando pa sigo de les empuñadures, reflexando l'actitú d'averar los dos peñascos; una observación que paez convincente y que reforzaría la visión del monarca español como cohesionador y non separador de tierres y reinos. Sicasí Baltasar de Victoria, una década antes de la realización d'esta serie, citó espresamente l'episodiu de la separación de los montes. Tantu na narración de Mariana como na de Victoria, faise referencia a la rellación de Hércules con España y la creación de la divisa de los Austrias, lo que xustificaría la inclusión del episodiu nel ciclu de los trabayos y la so especial marca hispánica.[3] Les columnes de Hércules son tamién utilizaes pela ciudaes de Cádiz y Melilla y nel emblema d'Andalucía según nel escudu d'armes d'España.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
