Francis Ford Coppola

Francis Ford Coppola (7 d'abril de 1939, Detroit) ye un guionista, productor y direutor de cine d'Estaos Xuníos, seis veces ganador del premiu Óscar.

Francis Ford Coppola
presidente del xuráu del Festival de Cannes ← Jeanne Moreau - Isabelle Adjani →
Vida
Nacimientu	Detroit[1], 7 d'abril de 1939[2] (86 años)
Nacionalidá	Estaos Xuníos [3]
Residencia	Valle de Napa (es)
Grupu étnicu	Inmigración italiana n'Estaos Xuníos
Llingua materna	inglés
Familia
Padre	Carmine Coppola
Madre	Italia Coppola
Casáu con	Eleanor Coppola (1963 – m. 2024)[4]
Fíos/es	Sofia Coppola Roman Coppola Gian-Carlo Coppola
Hermanos/es	Talia Shire[5] August Coppola
Estudios
Estudios	Universidad Hofstra (es) John L. Miller Great Neck North High School (en) Jamaica High School Universidá de California en Los Angeles Escuela de Teatro, Cine y Televisión de UCLA (es) Academia Militar de Nueva York (es)
Llingües falaes	inglés[6]
Oficiu
Oficiu	guionista, productor de cine, direutor de cine, escritor, montador, productor executivu, compositor, viticultor, actor, realizador, productor, actor de cine, empresariu
Altor	182 cm
Trabayos destacaos	triloxía de The Goodfather Rumble Fish Apocalypse Now The Conversation Megalopolis (es) Drácula de Bram Stoker (es) The Rain People The Outsiders Apocalypse Now Redux Peggy Sue Got Married The Cotton Club The Rainmaker Finian's Rainbow New York Stories Gardens of Stone Youth Without Youth Dementia 13 Distant Vision Supernova Tonight for Sure Captain EO (es) Tucker: The Man and His Dream Tetro Jack One from the Heart Twixt
Premios	ver Mary Pickford Award Orden del Mérito del Principado de Liechtenstein miembru de l'Academia de les Artes y les Ciencies d'Estaos Xuníos BAFTA al meyor direutor Premios Princesa d'Asturies Premios del Sindicato de Directores Orden de la Estrella de Italia National Board of Review Award a la meyor película Concha de Oro a la mejor película  (1969) Óscar al meyor guión orixinal  (1970) : Patton Premios WGA  (1971) : Patton Óscar al meyor guión adautáu  (1972) : The Godfather Premios WGA  (1973) : The Godfather Premios Globu d'Oru  (1973) Óscar a la meyor película  (1974) : The Godfather Part II Óscar al meyor direutor  (1974) : The Godfather Part II Palma d'Oru  (1974) Óscar al meyor guión adautáu  (1974) : The Godfather Part II Premios WGA  (1975) : The Godfather Part II Lleón d'oru por tola so carrera  (1992) Premiu Inktop  (1992) [7] Premiu Donostia  (2002) Premio Águila de Oro  (2005) Oficial de la Lexón d'Honor  (9 agostu 2007) [8] Premio en memoria de Irving Thalberg  (2011) Praemium Imperiale  (2013) [9] Salón de la Fama de California  (2014) Premiu Princesa d'Asturies de les Artes  (2015) Premio de Luz del Festival de Lyon  (2019) Brunelleschi Lifetime Achievement Award  (2025) [10]
Nominaciones	ver Óscar al meyor guión orixinal (23 febreru 1971): Patton Óscar al meyor direutor (12 febreru 1973): The Godfather Óscar al meyor guión adautáu (12 febreru 1973): The Godfather Óscar a la meyor película (19 febreru 1974): American Graffiti[11] Óscar a la meyor película (24 febreru 1975): The Conversation[12] Óscar a la meyor película (24 febreru 1975): The Godfather Part II Óscar al meyor guión adautáu (24 febreru 1975): The Godfather Part II Óscar al meyor guión orixinal (24 febreru 1975): The Conversation Óscar al meyor direutor (24 febreru 1975): The Godfather Part II Óscar a la meyor película (25 febreru 1980): Apocalypse Now[13] Óscar al meyor guión adautáu (25 febreru 1980): Apocalypse Now[13] Óscar al meyor direutor (25 febreru 1980): Apocalypse Now Óscar al meyor direutor (13 febreru 1991): The Godfather Part III Óscar a la meyor película (13 febreru 1991): The Godfather Part III
Miembru de	Academia de les Artes y les Ciencies d'Estaos Xuníos Writers Guild of America West (es)
Xéneru artísticu	cine de crímenes (es) cine dramáticu cine d'horror cine de misteriu cine bélicu cine de suspense cine de gánsteres (es) cine fantásticu terror psicológico (es) Suspenso psicológico (es) cine d'aición cine policíaco de suspenso (es) war drama (en) drama policíaco (es) cine épicu cine de drama histórico (es) cine históricu cine de terror gótico (es) cine gótico (es) cine d'aventures body horror film (en) cine románticu slasher (es) terror sobrenatural (es)
Creencies
Partíu políticu	Partíu Demócrata
IMDb	nm0000338

Fíu del compositor y direutor de orquesta Carmine Coppola y l'actriz Italia Pennino Coppola, ingresó na Universidá Hofstra pa estudiar Artes Dramátiques, y años más sero titulóse n'Artes Teatrales na UCLA. La so carrera entamó en 1963 cola direición de Dementia 13, de la que tamién fizó'l guión. Dende eso dirixó más d'una ventena de películes, de les que delles fueron aclamaes pola crítica cinematográfica, ente les que destaquen producciones como La conversación (1974), la bélica Apocalypse Now (1979) o l'adautación al cine de la novela de Bram Stoker Drácula (1992). Ensin embargo les sos obres más reconocíes y ovacionaes son The Godfather y The Godfather Part II, dambes adautaciones del superventes homónimu del novelista italoamericanu Mario Puzo, la primera ye unu de los filmes más reconocíos y aponderaos de tolos tiempos, que lu fizo acreedor a dos nuevos premios de l'Academia pola Meyor Película y el Meyor Guión Adautáu (que compartió con Puzo por co-escribilu), mientres que la segunda ye la secuela más apreciada na cinematografía d'Estaos Xuníos (la única secuela en ganar un Óscar), cola que recibió un premiu de la Academia al Meyor Direutor.

Ta consideráu unu de los más grandes direutores de la segunda metá del sieglu XX y unu de los más grandes de tolos tiempos, siendo The Godfather recurrentemente elixida n'encuestes como una de les meyores películes de la historia, y Apocalypse Now una de les más grandes películes de cultu nel sistema de producción de Hollywood.

Dende los sos entamos Coppola desarrolló d'igual forma la so carrera como productor, destacando los dos primeros filmes del so amigu George Lucas, THX-1138 y American Graffiti, y otres como Kagemusha, Kinsey o Sleepy Hollow.

Fuera de les lluces del séptimu arte tien actividá como viticultor, hoteleru y publicista. Ye padre del direutor de películes y videos musicales Roman Coppola y de l'actriz, direutora, productora y guionista ganadora del Óscar Sofia Coppola, asina como tíu del actor Nicholas Kim Coppola, conocíu como Nicolas Cage, hermanu de l'actriz Talia Shire y güelu de la direutora Gia Coppola.

Neñez y mocedá

Nació en Detroit, Michigan como Francis Coppola (El segundu nome, Ford, púsolu n'homenaxe al direutor norteamericanu John Ford). Fíu de Carmine Coppola (italo-americanu, direutor d'orquesta y flautista), y d'Italia Coppola, (actriz que trabayó ena so mocedá n'[Italia]]). Ye hermanu de Talia Shire Coppola, padre de Sofia Coppola y tíu de Nicolas Cage. A los nueve años cayó gravemente enfermu por mor de la poliomielitis, que lu tuvo encamáu cerca d'un añu n'estáu cuasi paralíticu. A lo llargo d'esi tiempu la so única distracción fueron les marionetes y les películes familiares en «Súper 8».

En 1957, decidíu a convertise n'artista, ingresó na Universidá Hofstra con 18 años d'edá y inscribióse na carrera d'Artes Dramátiques, onde llamó l'atención por un montaxe que fizo d'A Streetcar Named Desire, de Tennesse Williams. Ellí conoció a varios collaboradores, ente ellos Ronald Colby y Robert Spiotta, que lu ayudaríen na producción d' The Godfather, y tamién a los actores James Caan y Lainie Kazan, colos qu'entamaría amistaes duraderes.^[14] En 1960 algamó'l títulu d'Artes Teatrales y esi mesmu añu graduóse na UCLA, cuyu plan d'estudios nun-y prestó, pero facilitó-y los sos primeros contactos na industria na que pensó facer fortuna y gloria.^[15]

Años 1960

Nos entamos de la década de los sesenta entamó a facer películes, aunque lo primero que fizo son nudies (películes erótiques) de baxu presupuestu, pero esto nun-y importó. Nesta dómina completó los filmes Tonight for Sure y The Bellboy and the Playgirls, mediometraxes con desnudos y nos que demostró escasu interés. En 1962 conoció a Roger Corman, que vio en Coppola a un rapaz talentosu con potencial pa ser instruyíu nel mediu cinematográficu, y darréu entamaron una rellación profesional na qu'él se convirtió práuticamente nel so asistente personal.^[16]

Dementia 13

La so primera película acreditada foi Dementia 13, un llargumetraxe de terror de baxu presupuestu fechu pa Corman en 1963 y rodáu nel trescursu de nueve díes n'Irlanda. Pero esi mesmu añu yá participara na realización, ensin apaecer nos créditos, d'otru filme pal mesmu direutor y productor, denomináu The Terror. Sábese que Coppola montaba y collaboraba en munchos filmes del so mentor Corman cuando estudiaba na universidá. Non obstante, a Corman nun-y prestó el resultáu final de la película y contrató a otru equipu dirixíu por Jack Hill pa que afechase'l rodaxe, rompiendo definitivamente la so rellación con Coppola.^[17][18][19]

You're a Big Boy Now

Nun foi hasta 1966 cuando Coppola dirixiría'l so primer títulu destacable, You're a Big Boy Now, ente otres coses porque por primer vez incluyía nél temas y inquietudes que-y yeren propios, tales como la búsqueda de independáu como'l so proyeutu de fin de carrera, algamó por él matrícula d'honor. Parcialmente autobiográficu, de ruín presupuestu, angualño ye un filme mui desconocíu y pendiente de revisión pol gran públicu.^[20][21]