nome xenéricu d'un centru educativu From Wikipedia, the free encyclopedia
Escuela ye'l nome xenéricu de cualquier centru docente, centru d'enseñanza, centru educativu, colexu, institución educativa o centru d'inclusión; esto ye, toa institución qu'imparta educación o enseñanza.
Suel designar específicamente a los centros d'enseñanza primaria o a les escueles universitaries que, xunto coles facultaes, formen les universidaes.
El términu «escuela» provién del griegu antiguu σχολή (skholḗ) por aciu del llatín schola. Curiosamente'l significáu orixinal en griegu yera tranquilidá, tiempu llibre, que depués derivó a aquello que se fai mientres el tiempu llibre y, más concretamente, aquello que merez la pena faese, d'onde acabó significando 'estudiu' (por oposición a los xuegos) yá nel griegu de Platón y Aristóteles.[1] Nel periodu helenísticu pasó a designar a les escueles filosófiques, y de ende, por estensión, tomó'l significáu actual de «centru d'estudios».[1]