From Wikipedia, the free encyclopedia
Nel escudu de La Coruña nun campu d'azur, apaez representada, de plata, la Torre de Hércules. So la mesma, dos tibies cruzaes tamién de plata y una calavera del mesmu metal coronada d'oru. La Torre de Hércules ta acompañada por siete conches de pelegrín d'oru, trés a cada llau y una nel centru de la punta.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El timbre, corona real, forrada de gules, o colloráu, zarrada, que ye un círculu d'oru, engastado de piedres precioses, compuestu d'ocho florones de fueyes d'acanto, visibles cinco, interpoladas de perlles y de caúna de les sos fueyes salen cinco diademes sumaes de perlles que converxen nun orbe azur, col semimeridiano y l'ecuador d'oru, sumáu de cruz d'oru.
La calavera y les tibies qu'apaecen nel escudu aluden al rellatu míticu de la fundación de la ciudá. Según esa lleenda, nel llugar en qu'anguaño ta asitiada la ciudá de La Coruña, Hércules venció y cortó la cabeza al so enemigu, el rei Gerión, que llegara dende Troya. Hércules decidió soterrar la cabeza y llevantó nesi llugar la primitiva torre como reconocencia al so rival.
La Torre de Hércules ye l'elementu central del escudu de la ciudá de La Coruña dende 1521.
Extiste una versión del escudu de La Coruña, usáu como escudu provincial na que s'introducieron pequeños cambeos.
Tien la siguiente descripción heráldica: En campu d'azur, la Torre de Hércules nel so color sobre una peña arrodiada d'ondes de mar de plata y azur, brochante sobre la peña, la cabeza cayida del llexendariu rei Gerión, de carnación, coronada d'oru, cola boca y pescuezu ensangrecíos, tou ello acompañáu de seis veneres d'oru. Timbre: Corona real zarrada.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
