Entrimo
From Wikipedia, the free encyclopedia
Entrimo ye un conceyu español perteneciente a la Provincia d'Ourense y la Contorna d'A Baixa Limia, en Galicia. La capital d'esti conceyu ye la parroquia de Terrachán.
 Entrimo | |||
|---|---|---|---|
 | |||
| |||
| Alministración | |||
| País |  España | ||
| Autonomía |  Galicia | ||
| Provincia |  provincia d'Ourense | ||
| Tipu d'entidá | conceyu de Galicia[1] | ||
| Alcalde d'Entrimo | Ramón Alonso López | ||
| Nome oficial | Entrimo (gl)[2] | ||
| Códigu postal |
32... | ||
| Xeografía | |||
| Coordenaes | 41°56′27″N 8°08′27″W | ||
  Entrimo Entrimo (España)  | |||
| Superficie | 84.53 km² | ||
| Altitú | 511,4 m | ||
| Llenda con |
| ||
| Demografía | |||
| Población |
1098 hab. (2023) - 538 homes (2019) - 602 muyeres (2019) | ||
| Porcentaxe | 0.36% de provincia d'Ourense | ||
| Densidá | 12,99 hab/km² | ||
| Más información | |||
| Estaya horaria | UTC+01:00 | ||
 | |||
.svg){kind=small}
El conceyu, que tien una superficie de 84,52 km²,[3] cuenta según el padrón municipal pa 2017 del INE con 1184 habitantes y una densidá de 14,01 hab./km².
| Gráfica d'evolución demográfica d'Entrimo ente 1842 y 2017 |
 |
|
Población de derechu según los censos de población del INE.[4] Población según el padrón municipal de 2017.[5] |
Población por nucleu
Desglose de población según el Padrón Continuu por Unidá Poblacional del INE.
El territoriu de Entrimo cunta con xacimientos prehistóricos pocu estudiaos. L'investigador Benito Fernández Alonso señala los castros de Monte do Quinxo, les mámoas de San Fiz, les sepultures abiertes nesi outeiro y los montes Lumiares y Penedo da Facha con designación que paez indicar fogueres de señales.
Tamién foi estudiáu'l castru de la "Pía da Moura", o'l "Penedo das Serpes", asina coma los habitantes d'estes tierres por Florentino López Cuevillas y Fermín Bouza Brey na so obra "Os Oemstrimnios, os saefes y a ofiolatría en Galicia". La primer cita documental conocida de Interimi (Entrimo) apaez na concordia de 6 de xineru de 1.149 ente l'obispu Martín d'Ourense y l'abá Pelaio de Celanova. Una tierra cola situación y riqueza potencial d'esta, tenía qu'espertar continues apetencies xurisdiccionales.
Mientres enforma tiempu, el monesteriu de Celanova exerció'l dominiu xurisdiccional sobre delles aldegues y, l'abá, magar yera copartícipe del Rei, ponía xueces ordinarios y cobraba rentes. Debíu de xuru a qu'esti ángulu suroeste, sol castiellu de Araúxo (Lobios) caltuviérase foi donáu por Enrique II a Juan Rodríguez de Biedma, principal secuaz de los Trastamara, no que güei entiende'l distritu. La donación, xunto cola de Lobeira, Araúxo y Abelenda, formalizóse'l 15 de xineru de 1.368 en Lleón, primero qu'Enrique tuviera una corona y menos inda'l dominiu de Galicia. L'heriedu de los Biedma constituyó la base del poderíu del Condáu de Monterrei, al cual pasaron d'esta miente los derechos.
Tamién exercieron xurisdicción civil y criminal los condes de Ribadavia, vencida igualmente polos Trastámara, exerciciu qu'empezó nel so antecesor inmediatu, Diego Pérez Sarmiento, conde de Santa Marta. Na Edá Media, el curato de Entrimo yera provisión alternativa del monesteriu de Celanova, de dignidá episcopal y de la Cámara de Castiella.
La xurisdicción yera exercida por cuatro partes: el monesteriu de Celanova, con derechu sobre la merindad de Asperelo, dos partes pa la corona y lo restante, Guxinde y Grou, del monesterios de Freás. Toos pagaben, ademáis, al conde de Ribadavia una renta proporcional en vinu, cebada, tocinos y carneros.
La xurisdicción de Entrimo promovió un pleitu que, al resolvese, punxo fin al dominiu y patronalgu de Celanova, y, ye de suponer que los de los demás señores colo cual pasó a realengu, calidá que se procuró dexar bien patente en toa ocasión socesiva.
Felipe III, per real carta de marzu de 1.608, eximió a los vecinos de Entrimo de cargues militares por causa de la so permanente tao d'alarma por cuenta de la so situación fronteriza. De fechu la zona espereció mientres les guerres hispanu-luses: amagos ya incursiones d'invasión, requisas de ganáu y colleches, y quema d'archivos. Felipe IV confirmó'l 30 de xunetu de 1.643, mientres la guerra de separación de Portugal, la exención que concediera'l so padre a Entrimo.
El cronista del Condáu, González de Ulloa, diz que'l curato reportaba 4.000 ducaos de renta pal párrocu, amás d'otres conveniencies y regalías. Añadía –esti escritor alredor de 1.770- que la recién ilesia yera tal como una colexata y que la casa rectoral paecía un pequeñu palaciu. Recuerda la estancia del obispu Quevedo en Entrimo mientres la selmana santa de 1.815. La capitalidad del conceyu, Terrachán, cuntaba yá en 1.922 colos servicios de cartería y telégrafu, diariu y seición de carabineros dende 1.870, refundida depués como puestu de la Guardia Civil que data de 1.898.
- Entrimo (Santa María a Real)
- Galez (San Fiz)
- A Illa (San Lourenzo)
- A Pereira (San Facundo)
- Venceáns (San Tomé)
- Olelas (Santa María)
-Sta María a Real de Entrimo
- Terrachán
- Casal
- Ferreiros
-San Felix de Galez
- Galez
- Feira Vella
- Olín
- Asperelo
- Quintans
-San Lourenzo da Illa
- A Illa
- Lantemil
- Reloeira (sumida sol banzáu)
-San Facundo de Pereira
- Pereira
- Guxinde
- Bouzadrago
-Santu Tomás de Venceans
- Venceans
- Vilar
- Queguas
-Santa María de Olelas
- Olelas
Evolución de la delda viva
El conceutu de delda viva contempla solo les deldes con caxes y bancos relatives a creitos financieros, valores de renta fixa y préstamos o creitos tresferíos a terceros, escluyéndose, poro, la delda comercial.
| Gráfica d'evolución de la delda viva del conceyu ente 2008 y 2014 |
 |
|
Delda viva del conceyu en miles d'Euros según datos del Ministeriu de Facienda y Ad. Públiques.[7] |
La delda viva municipal per habitante en 2014 xubía a 167,79 €.[8]
- Ilesia de Entrimo (Santa María a Real)
- Parque natural d'A Baixa Limia-Serra do Xurés
- Benito Fernández Alonso
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
