especie de páxaru From Wikipedia, the free encyclopedia
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Empidonax alnorum | ||
---|---|---|
Estáu de caltenimientu | ||
Esmolición menor (IUCN 3.1)[1] | ||
Clasificación científica | ||
Reinu: | Animalia | |
Filu: | Chordata | |
Clas: | Aves | |
Orde: | Passeriformes | |
Familia: | Tyrannidae | |
Xéneru: | Empidonax | |
Especie: |
E. alnorum (Brewster, 1895) | |
Distribución | ||
Sinonimia | ||
| ||
Consultes | ||
[editar datos en Wikidata] |
Empidonax alnorum,[2] ye una especie qu'integra'l xéneru Empidonax, de la familia Tyrannidae. Esta ave reproduzse nel norte d'América del Norte; al llegar la seronda, migra escontra América del Sur.
Los sos hábitats de reproducción son les forestas y carbes de fueyes caduques y cerca de l'agua, xeneralmente d'omeru o sauces, en Canadá, Alaska y el nordés d'Estaos Xuníos. Al llegar la seronda, migra escontra América del Sur, llegando hasta les selves del noroeste y nordés de l'Arxentina.[3][4] Xeneralmente escueye hábitats ivernizos cercanos de l'agua.
Mide 12 cm de llongura total. L'adultu dorsalmente ye oliva amarronáu, más marrón nes partes cimeres de la cola y ales, estes con un par de barres blanques. Les partes inferiores del cuerpu son ablancazaes, col pechu d'una llavadura de gris oliváceo. Tienen un aniellu ocular blancu, y un picu pequeñu, cola parte cimera de color gris, ente que la inferior ye anaranxada.
Aliméntase faciendo un vuelu elásticu partiendo dende una percha na parte cimera d'un arbustu y volando raudamente, atrapando d'esta miente inseutos en plenu vuelu. Dacuando tamién emplega'l vuelu estacionariu, pa prindar inseutos posaos sobre la xamasca. Complementa la so dieta con delles bagues y granes.[5]
Esta especie monotípica describióse orixinalmente por William Brewster nel añu 1895, sol nome científicu de: Empidonax traillii alnorum. La so llocalidá tipu ye: «Upton, Maine, Estaos Xuníos».
Frecuentemente tratase como una subespecie de Empidonax traillii. La población d'Alaska, Yukón y el noroeste de Mackenzie, descrita como Empidonax alnorum alascensis y coles carauterístiques de tener midíes permediu mayores, cabeza más pálida, y llixeramente más pálidu l'envés, rique más estudios.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.